وزیر منصوبہ بندی اسد عمر نے کہا ہے کہ ‏ایکنک نے ایم ایل ون منصوبے کی منظوری دے دی ہے۔

 تفصیلات کے مطابق وزیر منصوبہ بندی اسد عمر نے سماجی رابطے کی ویب سائٹ ٹویٹر پر اپنے ایک پیغام میں کہا کہ پاکستانی تاریخ کے سب سے بڑے ریلوے کے منصوبے ایم ایل ون کی ایکنک نے آج منظوری دے دی ہے۔

آج ECNEC نے پاکستان کی تاریخ کے سب سے بڑے ریلوے کے منصوبے ML 1 کی منظوری دے دی. یہ منصوبہ 6.8 ارب ڈالر کی لاگت سے مکمل کیا جائے گا اور اس کے تحت نہ صرف ریل کے انفراسٹرکچر میں بہتری ہو گی بلکہ ریلوے کا انتظامی ڈھانچہ بھی بہتر کیا جائے گا. یہ منصوبہ CPEC کا سب سے بڑا منصوبہ ہے

— Asad Umar (@Asad_Umar) August 5, 2020

 اپنے پیغام میں اسد عمر نے یہ بھی کہا کہ ایم ایل ون منصوبہ CPEC کا سب سے بڑا منصوبہ ہے اور یہ منصوبہ 6.8 ارب ڈالر کی لاگت سے مکمل کیا جائے گا۔

وزیر منصوبہ بندی اسد عمر نے مزید کہا کہ ایم ایل ون منصوبے کے تحت  ریل کے انفراسٹرکچر میں بہتری ہو گی جبکہ ریلوے کا انتظامی ڈھانچہ بھی بہتر کیا جائے گا۔

دوسری جانب چیئرمین سی پیک اتھارٹی عاصم سلیم باجوہ نے بھی ایم ایل ون منصوبے کی بڑی پیش رفت کے حوالے سے اپنی ایک ٹویٹ میں کہا کہ الحمداللہ ریلوے کے انقلابی ایم ایل ون منصوبے کی ایکنک نے منظوری دے دی۔

Update ML-1:Alhamdolillah, ECNEC has approved the transformational railway project at a cost of$ 6.806 Bn from Peshawar to Kci(1872 KMs) including Havelian Dry Port and upgrading Walton Academy . #cpec #CPECMakingProgress #pakistanmakingprogress

Advertisement

— Asim Saleem Bajwa (@AsimSBajwa) August 5, 2020

 چیئرمین سی پیک اتھارٹی عاصم سلیم باجوہ نے مزید کہا کہ منصوبے میں حویلیاں ڈرائی پورٹ اور والٹن اکیڈمی کی اپ گریڈایشن بھی شامل ہے جبکہ پشاورسے کراچی 1872 کلومیٹر کے منصوبے پر 6.8 ارب ڈالر لاگت آئے گی۔

واضح رہے اس سے قبل گزشتہ روزوزارتِ منصوبہ بندی اسد عمر نے کہا تھا کہ کراچی سے پشاور تک ایم ایل ون منصوبے کے ذریعے 1733 کلومیٹر طویل ریلوے نیٹ ورک کو جدید بنایا جائے گا جبکہ 6 ارب 80 کروڑ ڈالر کے اس منصوبے کو منظوری کے لیے کل ایکنک میں پیش کیا جائے گا۔

اسد عمر نے کہا تھا کہ ایم ایل ون ریلوے منصوبے کی تکمیل کے بعد مسافر ٹرینیں 160 کلومیٹر جبکہ مال بردار گاڑیاں 120 کلومیٹر فی گھنٹہ کی رفتار سے چلیں گی۔

وزارت منصوبہ بندی نے مزید کہا تھا کہ اس ریلوے منصوبے پر 672 ارب روپے کا مقامی میٹریل استعمال اور افرادی قوت استعمال ہوگی جبکہ 25 ارب روپے مالیت کے یو ایس ایڈ پاکستان نالج کوریڈور منصوبے کے پہلے فیز کی بھی ایکنک سے منظوری لی جائے گی۔