پی آئی اے نے 63 ملازمین کو جعلی اسناد، غیر حاضری اور قواعد کی خلاف ورزی کرنے پر ملازمت سے فارغ کر دیا۔

تفصٰلات کے مطابق پی آئی اے نے جولائی کے مہینے میں 63 ملازمین کو نوکری سے فارغ کردیا، برطرف ہونے والے ملازمین میں مشتبہ لائسنس کے حامل پانچ کپتان بھی شامل ہیں۔

پی آئی اے شعبہ ہیومن ریسورس کی جانب سے ملازمین کے خلاف کی جانے والی کارروائی کی فہرست جاری کردی گئی ہے۔

پی آئی اے  کی جانب سے جاری کی گئی فہرست  کے مطابق پی آئی اے حکام نے جعلی تعلیمی اسناد کے حامل 28 ملازمین جبکہ  بغیر اطلاع کے عرصہ دراز سے غیر حاضر 27 ملازمین کو ملازمت سے فارغ کر دیا   اور پی آئی اے حکام نے مشتبہ لائسنس کے حامل پانچ کپتانوں کو بھی ملازمت سے نکال دیا ہے۔

حکام نے محکمہ میں خورد برد میں ملوث دو ملازمین کو بھی فارغ کر دیا،م نااہلی پر ایک ملازم کو نوکری سے برخاست کیا ہے جب کہ حکام نے کام سے انکار پر چار ملازمین کی تنزلی بھی کی ہے۔

پی آئی اے کی طرف سے برطانیہ کا آپریشن جزوی طور پر بحالی کا فیصلہ

ذرائع کا کہنا ہے کہ پی آئی اے نے ایس او پیز کی خلاف ورزی کر نے والے تین ملازمین کے انکری منٹ میں کٹوتی بطور سزا کی ہے جبکہ  اچھی کارکردگی کے حامل 13 ملازمین کو تعریفی اسناد بھی جاری کی گئیں  اور  دو ملازمین کو کیش ایوارڈ بھی دئیے گئے۔

پی آئی اے کے جنرل منیجر پبلک افیئر عبداللہ خان نے کہا کہ تمام کارروائیاں قانون اور ضابطے کی قواعد پورا کرنے کے بعد کی گئیں، پی آئی اے میں بغیر کسی دباؤ کے سزا و جزا کا عمل جاری رہے گا۔