ملک کے سیاسی نقشے کے اجراء کے بعد پاکستان کی جانب سے اس نئے سیاسی نقشے کو تمام بڑے بین الاقوامی سرچ انجنوں کو بھجوانے کا فیصلہ کر لیا گیا ہے جو کہ متعلقہ وزارت کے ذریعہ عالمی انٹرنیٹ سرچ انجنوں کو بھجوایا جائے گا۔

ذرائع کے مطابق ملک کے سیاسی نقشے کے اجراء کے بعد پاکستان نے اس نئے سیاسی نقشے کو تمام بڑے بین الاقوامی سرچ انجنوں کو بھجوانے کا فیصلہ کیا ہے۔

اس ضمن میں متلقہ وزارت کے ذریعہ اس پولیٹیکل نقشے کو گوگل، یاہو، ایم ایس این سمیت تمام بڑے عالمی سرچ انجنز کو بھجوایا جائے گا۔

ذرائع کا کہنا ہے کہ پاکستان کے سیاسی نقشے کو اقوام متحدہ، او آئی سی سمیت بین الاقوامی فورمز پر بھی بھجوایا جائیگا۔

یاد رہے کہ سیاسی نقشے میں عالمی قوانین اور دوطرفہ معاہدوں کی روشنی میں بیرونی حدبندی واضح کی گئی۔

پاکستان نہتے کشمیریوں کے ساتھ ہے، وزیر خارجہ

پاکستان کے سیاسی نقشے میں بھارتی دعووؤں کی نفی  کرتے ہوئے حد بندیوں اور مختلف علاقوں کے حوالے سے پاکستانی موقف کی عکاسی کی گئی ہے۔

 گوگل و دیگر سرچ انجنوں کی منظوری کے بعد جب پاکستان میں موجود انٹرنیٹ صارف گوگل یا ان سرچ انجنوں پر پاکستان کے نقشے کو ڈھونڈیں گے تو خودمختار طریقے سے تلاش کا اختتام پاکستان کے سیاسی نقشے پر ہی ہو ۔گا

واضح رہے کہ اس سے قبل 5 اگست کے موقع پر وزیر خارجہ نے کہا کہ  آج نقشے میں بین الاقوامی سرحد کو ظاہر کیا گیا ہے۔  نقشے میں ڈیورنڈ لائن جو کہ راستے میں ختم ہوتی تھی اس کو چین سے ملا دیا گیا ہے۔ واضح کر دیا گیا ہےکہ سیاچن کل بھی ہمارا تھا اور آج بھی ہمارا ہے۔

شاہ محمود قریشی نے کہا ک سرکریک میں ہندوستان کے دعوے کی اس نقشہ میں مکمل نفی کر دی گئی ہے۔ ہندوستان چالاکی سے پاکستان کے ایکسکلوسو اکنامک زون کو ہضم کرنے کی کوشش کر رہا تھا۔

انہوں نے کہا کہ اسی طرح فاٹا کا علاقہ اب خیبر پختونخواہ میں ضم ہو چکا ہے لہذا اس کو خیبر پختونخواہ کا حصہ  دکھایا گیا ہے۔

وزیر خارجہ نے کہا کہ ابھی چین اور ہندوستان کے درمیان اسٹینڈ آف ہوا  ہے۔جب کشمیر کا فیصلہ اقوام متحدہ کی قردادوں کے مطابق ہوگا  تو اس وقت کی خود مختار ریاستیں اپنے فیصلے کریں گی۔

شاہ محمود قریشی نے کہا کہ آج پوری قوم وزیر اعظم کے اس قدم پر متفق ہے۔ کشمیری قیادت کو کل اعتماد میں لیا گیا ،کشمیری قیادت نے بھی اس کو تسلیم کیا ہے۔