سندھ ہائیکورٹ، کے الیکٹرک کے سی ای او کی حفاظتی ضمانت منظور

شاہد علی

12th Aug, 2020. 04:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ ہائیکورٹ، کے الیکٹرک کے سی ای او کی حفاظتی ضمانت منظور

سندھ ہائی کورٹ نے کے الیکٹرک کے سی ای او مونس علوی کی سات روز کے لیے حفاظتی ضمانت منظور کرلی۔

تفصیلات کے مطابق سپریم کورٹ کے احکامات کی بعد کے الیکٹرک کے سی ای او اور دیگر اعلیٰ عہدیداران کے خلاف گذشتہ روز پہلا مقدمہ درج ہوا تھا۔

کے الیکٹرک کے سی ای او مونس علوی نے گرفتاری سے بچنے کے لیے آج سندھ ہائیکورٹ سے رجوع کیا۔ سندھ ہائی کورٹ نے مونس علوی کی سات روز کے لیے حفاظتی ضمانت منظور کرلی۔

عدالت نے کے الیکٹرک کے ڈسٹربیوشن ہیڈ عامر ضیا کی بھی حفاظتی ضمانت منظور کرلی ہے۔

ضمانت کرنٹ سے ہلاکت کے دو مختلف مقدمات میں منظور کی گئی ہے۔ملزمان کو فی مقدمہ پچاس پچاس ہزار روپے کے مچلکے جمع کرانے کا حکم دیا گیا ہے۔

عدالت نے ملزمان کو تفتیش میں تعاون کرنے کی ہدایت بھی کی ہے۔

یاد رہے کہ دو روز قبل ڈیفنس میں کرنٹ لگنے سے فیضان نامی شخص جاں بحق ہوا تھا جس پر پولیس کی جانب سے کے الیکٹرک کے سی ای او سمیت 4افسران کے خلاف مقدمہ درج کیا گیا تھا ۔

مقدمہ متوفی فیضان کے چچا فیاض کی مدعیت میں زیردفعہ قتل بالسبب کے تحت درج کیا گیا تھا ۔

پولیس کا کہنا ہے کہ متوفی کے چچا نے کے الیکٹرک کے سی ای او مونس علوی سمیت چار افسران کو نامزد کرایا ہے۔