پاکستان پیپلزپارٹی کی رہنما شرمیلا فاروقی نے کہا ہے کہ پی ٹی آئی کے سوشل میڈیا اکاؤنٹ سے خاتون صحافی کو ہراساں کیا گیا۔

تفصیلات کے مطابق سندھ اسمبلی کے اجلاس کے دوران خواتین صحافیوں کو سوشل میڈیا پر ہراساں کئے جانے کے خلاف قرارداد پیپلز پارٹی کی خاتون رکن اسمبلی شرمیلا فاروقی نے ایوان میں پیش کی جو مذمتی قرارداد کثرت رائے سے منظور کرلی گئی۔

شرمیلا فاروقی  نے سندھ اسمبلی کے اجلاس کے دوران پیش کی گئی قرارداد میں کہا  کہ پی ٹی آئی کے سوشل میڈیا سے اس خاتون صحافی کو ہراساں کیا گیا لیکن وفاقی حکومت نے خواتین صحافیوں کو انصاف کی فراہمی کے لئے کوئی کردار ادا نہیں کیا۔

پیپلز پارٹی کی خاتون رکن اسمبلی نے کہا کہ حکمران جماعت سے وابستہ کئی سوشل میڈیا اکاؤنٹس کے ذریعے خواتین صحافیوں کو دھمکانا افسوسناک ہے ۔

شرمیلا فاروقی نے یہ بھی کہا  کہ خواتین صحافیوں نے سوشل میڈیا پر ہراساں کئے جانے کے خلاف آواز بلند کی ہے  لیکن یہ پی ٹی آئی کا وطیرہ بن چکا ہے بات کریں تو آپ کو گالی پڑتی ہے۔

مزید پڑھیں

شرمیلا فاروقی مرغی اور مچھلی میں فرق بھول گئیں

شرمیلا فاروقی،مچھلی میں سے مرغی نکل رہی،سوشل میڈیا پر مزاق بنو پاکستان...

پیپلز پارٹی کی خاتون رکن اسمبلی شرمیلا فاروقی  نے مزید کہا کہ ایف آئی اے سائبر کرائم کے ذریعے سوشل میڈیا کا غلط استعمال کرنے والوں کے خلاف تحقیقات کی جائے جبکہ حکومت آزادی اظہار رائے کو یقینی بنائے ۔

سندھ اسمبلی میں قرارداد کثرت رائے سے منظور کر لی گئی جس کی  پی ٹی آئی ارکان نے قرارداد کی مخالفت کی جبکہ مذمتی قرارداد پیش کیے جانے کے بعد سندھ اسمبلی کا اجلاس غیر معینہ مدت کےلیے ملتوی کردیا گیا۔