وزیراعظم سے معاون خصوصی عثمان ڈار نے کہا ہے کہ کامیاب جوان پروگرام سے 10 لاکھ نوجوانوں کو روزگار ملے گا۔

تفصیلات کے مطابق وزیراعظم سے معاون خصوصی عثمان ڈار اور مشیر خزانہ حفیظ شیخ کی ملاقات ہوئی ہے جس میں وزیراعظم کو کامیاب جوان پروگرام کے تازہ ترین اعداد و شمار پر بریفنگ بھی دی گئی ہے۔

اس ضمن میں عثمان ڈار کا کہنا تھا کہ نوجوانوں کو روزگار کی فراہمی کیلئے پہلے کسی حکومت نے سنجیدہ کوشش نہیں کی تھی لیکن موجودہ حکومت نوجوانوں کو مضبوط بنانے کے لئے پرعزم ہے۔

اس دوران مشیر خزانہ حفیظ شیخ نے کہا کہ کامیاب جوان پروگرام کا دائرہ کار پہلے سے وسیع کر دیا گیا ہے جو کہ نوجوانوں کیلئے آسان شرائط پر رقم کے حصول کا شاندار موقع ہے۔

معیشت اوپر اٹھانے کیلئے نوجوانوں کو اسٹیک ہولڈر بنانا ہوگا، وزیراعظم

یاد رہے کہ ملاقات کے دوران وزیراعظم ککی جانب سے پروگرام میں اب تک کی پیش رفت پر اطمینان کا اظہار کیا گیا ہے۔

اس ضمن میں وزیراعظم عمران خان کا کہنا ہے کہ کامیاب جوان پروگرام کی خود مانیٹرنگ کر رہا ہوں  اور کوشش ہوگی کہ نوجوانوں کو ہر وہ سہولت دیں جس وہ روزگار کے مواقع حاصل کریں۔

وزیراعظم نے کہا ہے کہ اس پروگرام کے دوران رقم کی تقسیم کے عمل پر مکمل نظر رکھیں، شفافیت اور میرٹ پر کسی سطح پر بھی سمجھوتہ نہیں ہونا چاہئیے۔

وزیراعظم کی جانب سے پروگرام میں پیش رفت پر ماہانہ بریفنگ لینے کا بھی فیصلہ کیا گیا ہے۔