کراچی میں 10،9،8 محرم الحرام کی مناسبت سے ٹریفک پولیس نے متابدل روٹ پلان جار ی کردیا۔

تفصیلات کے مطابق 8  محرم الحرام کا جلوس دوپہر ایک بجے نشتر پارک سے برآمد ہوگا جو  ایم اے جناح روڈ، پریڈی اسٹریٹ،نیپئرروڈ اوربمبئی بازار سے  حسینیہ ایریانیاں امام بارگاہ پہنچے گا۔

9محرم کا مرکزی جلوس صبح 9 بجے مارٹن کوارٹر سے شروع ہو کر نشتر پارک پہنچے گا  اور مجلس ہوگی۔

9 اور 10محرم کا جلوس   نشتر پارک سے  براستہ ایم اے جناح روڈ، پریڈی اسٹریٹ اور  بولٹن مارکیٹ سے حسینیہ ایریانیاں پہنچے گا۔

جلوس کا آغاز ہوتےہی نمائش ٓانے والی ٹریفک کو سولجر بازار  اور نشتر روڈ کی جانب موڑ دیا جائے گا۔

لیاقت آباد سے نمائش آنے والی ٹریفک کو تین ہٹی سے جیل روڈ،کشمیر روڈ، شارع قائدین وشارع فیصل جانے کی اجازت ہوگی۔

اسٹیڈیم روڈ سے آنے والی ٹریفک براستہ نیو ایم اے جناح روڈ اور شارع قائدین ،شارع فیصل تک جاسکے گی۔

سپر ہائی وے سے ایم اے جناح روڈ جانے والی ٹریفک کو لیاقت آباد نمبر دس سے ناظم آباد کی جانب موڑ دیا جائے گا جبکہ سپر ہائی وے سے آنے والی ہیوی ٹریفک براستہ حبیب بینک، شیر شاہ سے ماڑی پور روڈ جا سکے گی۔

نیشنل ہائی وے سے آنے والی ہیوی ٹریفک بھی راشد منہاس روڈ اور اسٹیڈیم روڈ سے لیاقت آباد جا سکے گی۔ہر قسم کی ٹریفک کا داخلہ گرومندر سے جلوس کے روٹ کی جانب ممنوع ہوگا ۔

صرف خصوصی اجازت نامے کی حامل گاڑیاں ہی چیکنگ کے بعد جلوس کے روٹ پر آسکیں گی۔جلوس کے شرکاء سولجر بازار نمبر3،گرومندر اور سوسائٹی سگنل  کی جانب سے نمائش آسکیں گے۔