امیر جماعت اسلامی سینیٹر سراج الحق نے کہا ہے کہ کراچی میں جماعت اسلامی کی یکجہتی کشمیر ریلی پر بم حملہ بزدلانہ کارروائی ہے۔

تفصیلات کے مطابق امیر جماعت اسلامی سینیٹر سراج الحق نے کراچی میں ریلی پر بم حملہ کی مذمت کرتے ہوئے کہا کہ شہر میں اب بھی بھارتی ایجنٹ موجود ہیں، ان بھارتی ایجنٹوں  سے اہل کشمیر سے اظہاریکجہتی برداشت نہیں ہوا

سراج الحق نے کہا کہ جماعت اسلامی کراچی کی قیادت اور کارکنان کا جذبہ قابل تحسین ہے، کوئی حملہ اس جذبے کو سرد نہیں کر سکتا اور اس طرح کے اوچھے ہتھکنڈوں سے خوفزدہ نہیں ہوں گے۔

امیر جماعت اسلامی نے یہ بھی کہا کہ پوری قوم کی ہمدردیاں ان کےساتھ ہیں، شہر کراچی امت مسلمہ کا دھڑکتا دل ہے، اہل کشمیر کی زیادہ جرات کے ساتھ ترجمانی کریں گے۔

اپنے بیان میں ‎ امیر جماعت اسلامی سینیٹر سراج الحق نے مزید کہا کہ کراچی نے کشمیر سے فلسطین تک مسلمانوں کی آواز بنا ہے اور ہمیشہ مظلوموں کی پشتیبانی کی ہے۔

واضح رہے اس سے قبل کراچی  میں بیت المکرم مسجد کے قریب جماعت اسلامی کی کشمیر ریلی میں کریکر حملہ ہوا۔

ذرائع کا کہنا تھا کہ حملے میں 8  افراد کے زخمی ہعنے کی اطلاع موصول ہوئی جنہیں طبی امداد کے لئے لیاقت نیشنل اور آغا خان منتقل کیا جارہا ہے۔

جماعت اسلامی کی کشمیر ریلی میں کریکر حملہ

عینی شاہد کے مطابق بیت المکرم پیڈسٹل برج کے قریب فت پاتھ پر دھماکہ حافظ نعیم الرحمان کی تقریر کے دوران ہوا۔

پولیس حکام کا کہنا تھا کہ جماعت اسلامی کی یوم استحصال کشمیر ریلی میں دستی بم پھینکا گیا، ریلی بیت المکرم مسجد سے حسن اسکوائر کی جانب جارہی تھی۔

پولیس حکام کا مزید کہنا تھا کہ موٹرسائیکل سوار ملزمان دستی بم پھینک کرفرار ہوئے جس کے باعث  8 آٹھ افراد زخمی ہوئے ہیں جبکہ دھماکے سے قریبی گاڑیوں کے شیشے  بھی ٹوٹ گئے۔