نیب کی جانب سے نائب صدر مسلم لیگ ن مریم نواز کو 11 اگست کو طلبی کا نوٹس جاری کردیا گیا ہے۔

ذرائع نے بتایا ہے کہ قومی احتساب بیورو لاہور نے مریم نواز سے 1440 کنال اراضی کی رسیدیں مانگ لیں ہیں اور مریم نواز کو تمام دستاویزات 11 اگست کو ہمراہ لانے کی ہدایت کی گئی ہے۔

مریم نواز کو مختلف موضوع جات میں حاصل کی گئی اراضی سے متعلق تفصیلات جمع کروانے کی ہدایت کی گئی ہے جبکہ مریم نواز سے پوچھا گیا ہے کہ زمین خریدنے کے لیے رقم کہاں سے آئی، اراضی کی خریداری پر کتنا ٹیکس اور کتنی ڈیوٹی دی مکمل تفصیلات فراہم کریں۔

نیب کی جانب سے دستاویزات میں ہدایت کی گئی ہے کہ 1 ہزار 4 سو کنال میں سے اگر کوئی زمین فروخت کی گئی ہے تو اسکی تفصیلات بھی فراہم کریں اور بتایا جائے کہ حاصل کی گئی زمین کس مقصد کے لیے استعمال کی جارہی ہے، یہ بھی بتایا جائے مزکورہ زمین کمرشل استعمال یا پھر زرعی کاشت کےلیے استعمال کی جارہی ہے۔

اس ضمن میں ذرائع کا کہنا ہے کہ نائب صدرمسلم لیگ ن مریم نواز 11 اگست کو نیب جائیں گئی، مریم نواز نے اس سلسلے میں وکلا سے بھی مشاورت کی ہے۔

ذرائع کا کہنا ہے کہ پارٹی کی جانب سے لیگی رہنما کارکنان صبح جاتی عمرہ،  رائیونڈ پہنچیں گئے جبکہ مریم نواز کے ہمراہ لیگی رہنما کارکنان گاڑیوں کے قافلے کی صورت میں نیب دفتر تک جائیں گئے۔