جماعت اسلامی کی ریلی پر حملے میں را ملوث ہے، انچارج سی ٹی ڈی

ویب ڈیسک

05th Aug, 2020. 08:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جماعت اسلامی کی ریلی پر حملے میں را ملوث ہے، انچارج سی ٹی ڈی

انچارج سی ٹی ڈی راجہ عمر خطاب کا کہنا ہے کہ جماعت اسلامی کی ریلی پر حملے میں را ملوث ہے۔

سی ٹی ڈی کے انچارج راجہ عمر خطاب کا کہنا ہے کراچی میں جماعت اسلامی کی ریلی پر ہونے والے حملے کے پیچھے را کا ہاتھ ہے۔ کشمیر ایشو کی وجہ سے را پاکستان میں دہشتگردی کر رہا ہے۔

راجہ عمر خطاب نے کہا کہ حملے میں را کے ملوث ہونے کے شواہد ملے ہیں۔شواہد کے ذریعے شناخت ہو جائے گی۔

انہوں نے کہا کہ مجھے کورنگی اور بیت المکرم کے نزد یک حملہ ایک ہی سلسلے کی کڑی لگتا ہے کیونکہ دونوں حملے میں گرنیڈ استعمال ہوا ہے۔

انچارج سی ٹی ڈی نے کہا کہ حملہ آور بچنے کے لیے گرنیڈ کا استعمال کرتے ہیں۔

یاد رہے کہ کراچی میں آج دو مختلف گرنیڈ حملوں میں تقریباً 25 سے زائد افراد زخمی ہوئے ہیں۔

پہلا حملہ کورنگی ناصر جمپ کے قریب ایک اسٹیٹ ایجنسی پر ہوا جس میں 3 افراد زخمی ہوئے جبکہ دوسرا حملہ گلشن اقبال میں بیت المکرم مسجد کے نزدیک جماعت اسلامی کی کشمیر ریلی پر ہوا جس میں تقریباً 22 افراد زخمی ہوئے۔