ڈیفینس میں ڈاکٹر ماہا کی مبینہ خودکشی کی وجہ بننے والے 3 کرداروں کے خلاف مقدمے کے اندراج کے لیے درخواست دے دی گئی ہے۔

تفصیلات کے مطابق کراچی کے علاقے ڈیفینس میں ڈاکٹر ماہا کی مبینہ خودکشی کا معاملے پر ڈاکٹر ماہا کے والد نے پولیس کو 3 افراد کے خلاف مقدمے کے اندراج کے لیے درخواست جمع کر دی۔

پولیس ذرائع کے مطابق درخواست گزار کا الزام ہے کہ میری بیٹی کو جنید اور اسکے دو دوست پریشان کیا کرتے تھے۔

ڈاکٹر ماہا کے والد نے درخواست میں مزید کہا کہ دوستوں کی پریشانی کی وجہ سے ماہا زہنی دباو کا شکار تھی جبکہ نامزد افراد نے بیٹی کا اکسایا جس کی وجہ سے خودکشی کی ۔

پولیس حکام کے مطابق کسی لڑکی کے خودکشی کرنے پر مقدمہ درج کرنے کی کوئی دفعہ موجود نہیں ہے تاہم اس کی موت کی وجہ بننے والوں کے خلاف کارروائی کی جاسکتی ہے۔

پولیس ذرائع کا کہنا ہے کہ ڈیفینس میں ڈاکٹر ماہا کی مبینہ خودکشی کے معاملے پر پولیس کی لیگل ٹیم نے درخواست کو  تفتیش کا حصہ بنانے کا فیصلہ کر لیا ہے۔

مزید پڑھیں

فیصل قریشی نے بالی ووڈ میں کام نہ کرنے کی وجہ بتادی

پاکستانی اداکار گزشتہ کئی برسوں سے بھارتی فلموں میں اپنی اداکاری کے...

ڈاکٹر ماہا خودکشی کیس ،اسلحہ دینے والے دونوں ملزمان پولیس ریمانڈ پر

کراچی کےعلاقے ڈیفنس میں خودکشی کرنے والی ڈاکٹرماہا کو اسلحہ دینے والے...

پولیس ذرائع کا مزید کہنا ہے کہ درخواست پر مقدمہ ماہاعلی کے والد کی مدعیت میں درج کی جائے گی جبکہ ملزمان کو گرفتار کے تفتیش کا دائرہ وسیع کیا جائے گا۔

یاد رہے اس سے قبل کراچی کے علاقے گزری میں خاتون ڈاکٹر نے اپنے آپ کو گولی مار کر خودکشی کرلی۔

واضح رہے کہ پولیس کی جانب سے واقعہ خودکشی قرار دیا تھا، پولیس ذرائع کے مطابق ڈاکٹر ماہا علی نے اپنے دوست جنید کے تشدد سے تنگ آ کر خود کو مارا ہے۔

ایس ایس پی ساؤتھ شیراز نذیرکے مطابق متوفیہ ماہاعلی کو پستول فراہم کرنے کے الزام میں دو ملزمان کو گرفتار کیا ہے،نائن ایم ایم پستول سعد صدیقی کی ملکیت تھی جو ماہا علی کے مانگنے پر تابش قریشی نے لے کر دی۔

پولیس تفتیش میں یہ بات بھی سامنے آئی تھی کہ ماہا علی نے نومبر 2018 ءمیں اپنی سابقہ رہائشی عمارت کی چھت سے کود کر خودکشی کرنے کی بھی کوشش کی تھی مگر کودنے کیلئے صحیح جگہ نہ ہونے کی وجہ سے وہ ناکام رہی۔