سکھر میں نہر پر کپڑے دھوتی لڑکی کو مگر مچھ نے دبوچ لیا ہے، مگر مچھ نوجوان لڑکی کو منہ میں دبا کر نہر میں غائب ہوگیا، علاقہ مکین اپنی مدد آپ کے تحت لڑکی کو تلاش کرتے رہے۔
تفصیلات کے مطابق سکھر کے علاقے صالح پٹ میں نارا کینال کے کنارے 8 سالہ زاہداں خاصخیلی کپڑے دھو رہی تھی کہ مگرمچھ نے لڑکی کو پکڑ لیا، یاد رہے کہ سکھر نارا کینال میں کم وبیش 200 مگرمچھ موجود ہیں۔
علاقہ مکینوں کا کہنا ہے کہ کینال میں موجود مگرمچھ 12 سے 14 فٹ لمبے ہیں اور مگرمچھ خوراک کی کمی کے سبب کناروں پر نکل آتے ہیں۔
کینال کے مگرمچھوں نے اس سے قبل بھی کئی مرتبہ لوگوں کو زخمی کیا ہے۔
نوعمر لڑکی کو نارا کینال میں کھینچ کر لے جانے کی خبر سن کر علاقے کے سینکڑوں لوگ نہر کے کنارے جمع ہوئے جبکہ کینال میں لڑکی کی تلاش تا حال جاری ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
