مقبوضہ وادی میں قابض بھارتی فوج نے بزدلانہ کارروائی کرتے ہوئے مزید 2 کشمیری نوجوانوں کو شہید کردیا۔
کشمیر میڈیا سروس کے مطابق مقبوضہ کشمیر میں بھارتی فوج کی جارحیت کا سلسلہ جاری ہے، تازہ کارروائی کرتے ہوئے بھارتی فوج نے جنت نظیر وادی کے ضلع بارہ مولا میں نام نہاد سرچ آپریشن کیا جس کے دوران داخلی و خارجی راستوں کو بند کرکے گھر گھر تلاشی لی گئی۔
مقبوضہ کشمیر, مزید 3 کشمیری نوجوان بھارتی فوج کی فائرنگ سےشہید
کشمیر میڈیا کی رپورٹ میں کہا گیا ہے کہ سرچ آپریشن کے دوران 2 کشمیری نوجوانوں کو گولیاں مار کر شہید کردیا گیا، شہید ہونے والے دو کشمیری نوجوانوں میں سے ایک کی شناخت عنایت اللہ کے نام سے ہوئی ہے۔
کشمیر میڈیا کی رپورٹ میں مزید کہا گیا ہے کہ علاقہ مکینوں نے نوجوانوں کی لاشوں کو سڑکوں پر رکھ کر قابض بھارتی فوج کی جارحیت کیخلاف شدید احتجاج کیا اور جدوجہد آزادی کشمیر کے حق میں نعرے بازی کی۔
واضح رہے کہ گزشتہ ماہ بھی بھارتی فوج کی جارحیت میں 54 کشمیری نوجوانوں نے جام شہادت نوش کیا تھا جبکہ رواں ماہ بھی بھارتی فوج کے جبر اور مختلف واقعات میں10 سے زائد کشمیری نوجوانوں کو شہید کیا جا چکا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News