گزشتہ روز بارشوں کے باعث شہر کراچی میں پھنسے شہریوں کی مدد کے لئے سندھ رینجرز کی ریسکیوٹیمیں سرگرم ہیں۔

تفصیلات کے مطابق گزشتہ روز طوفانی بارش کے باعث سخی حسن، سرجانی ٹاؤن، نارتھ کراچی، یوسف گوٹھ اور کے ڈی اے چورنگی کے علاقوں میں پانی میں پھنسے لوگوں کی مدد کے لئے سندھ رینجرز کی ریسکیوٹیمیں علاقے میں موجود ہیں۔

اس ضمن میں سندھ رینجرز کا کہنا ہے کہ جو لوگ گھروں میں پھنسے ہوئے ہیں اور انہیں مدد کی ضرورت ہے وہ فوری مدد کے لیے رینجرز ہیلپ لا ئن پر رابطہ کریں رینجرز کے جوان ان کی مددکے لیے فوری طور پر پہنچے گے۔

مزید پڑھیں

کراچی میں بارشیں، پاک فوج کی امدادی ٹیمز متاثرہ علاقوں میں مصروف عمل

کراچی میں مون سون بارشوں سے ہونے والی تباہی پر پاک فوج...

سندھ رینجرز کی جانب سے شہریوں سے اپیل کی گئی ہے کہ شہری بارشوں کے باعث کسی بھی طرح کی مدد کے لئے رینجرز کی قریبی چوکی کو اطلاع کی جائے۔

اس ضمن میں سندھ رینجرز کی جانب سے ایس ایم ایس اور ہلپ لائن نمبرز بھی جاری کردیئے گئے ہیں جس پر فوری اطلاع کر کے مدد کے لئے رابطہ کیا جاسکتا ہے ۔

رینجرز ہلپ لائن نمبر 1101، رینجرز مددگار واٹس ایپ نمبر 03479001111 یہ ہیں۔

خیال رہے کہ اس سے قبل پاک فوج کے شعبہ تعلقات عامہ (آئی ایس پی آر) کے مطابق  پاک فوج کی امدادی  ٹیمز  سول انتظامیہ کے ساتھ متاثرہ علاقوں میں بحالی اور امدادی عمل میں مصروف  ہیں۔

آئی ایس پی آر کا کہنا ہے کہ نشیبی علاقوں سے واٹر ڈرینج کا عمل جاری ہے۔

یاد رہے کہ گذشتہ روز کراچی میں ہونے والی بارش نے شہر بھر میں تباہی مچادی ہے۔کئی علاقے زیر آب آگئے ہیں، پانی لوگوں کے گھروں میں داخل ہوچکا ہے۔