آرمی چیف کی سعودی نائب وزیردفاع شہزادہ خالد بن سلمان سے ملاقات ہوئی ہے۔

پاک فوج کے شعبہ تعلقات عامہ (آئی ایس پی آر) نے بتایا ہے کہ چیف آف آرمی اسٹاف جنرل قمر جاوید باجوہ کی سعودی نائب وزیر دفاع شہزادہ خالد بن سلمان سے ملاقات ہوئی ہے۔

ملاقات میں دوطرفہ دفاع، سلامتی تعاون اور علاقائی سلامتی سمیت باہمی دلچسپی کے امور پر تبادلہ خیال کیا گیا جبکہ دوسری جانب ملاقات میں خطے کی سیکیورٹی کی صورتحال پربھی بات چیت کی گئی ہے۔

آرمی چیف سعودی عرب پہنچ گئے

اس سے پہلے سعودی عرب آمد پر آرمی چیف اورڈی جی آئی ایس آئی کا شاندار استقبال کیا گیا جبکہ جنرل قمر جاوید باجوہ کو آمد پر گارڈ آف آنر بھی پیش کیا گیا۔

سعودی افواج کے چیفس آف سٹاف جنرل فیاض بن حامد الرویلی سے آرمی چیف جنرل قمر جاوید باجوہ اور ان کے وفد نے ملاقات کی تھی اور پاک سعودی فوجی سربراہان کے درمیان مسئلہ کشمیر سمیت دوطرفہ ملٹری تعاون کے فروغ پر بھی تبادلہ خیال کیا گیا تھا۔

یاد رہے کہ گزشتہ روز آرمی چیف جنرل قمر جاوید باجوہ سرکاری دورے پر سعودی عرب کے دارالحکومت ریاض پہنچ گئے تھے۔

ترجمان آئی ایس پی آر کا کہنا ہے کہ جنرل قمر جاوید باجوہ کی سعودی چیف آف جنرل اسٹاف سے ملاقات ہوئی جبکہ دونوں ملکوں کی افواج کے درمیان وفود کی سطح پر ملاقات بھی ہوئی ۔

ترجمان آئی ایس پی آر کا مزید کہنا ہے کہ آرمی چیف جنرل قمر جاوید باجوہ کی سعودی عرب آمد  کے موقع  پر گارڈ آف آنر پیش کیا گیا۔