دفتر خارجہ نے بھارت کی جانب سے پاکستان کے خلاف کیا جانے والا بے بنیا د پروپیگنڈا مسترد کردیا۔
ترجمان دفتر خارجہ کے مطابق بھارتی بارڈر سیکیورٹی فورسز نے 8 اگست کی رات کو 17 سالہ بھیرومل کو نگرپارکر میں گولی مار کر قتل کر دیا۔
بھارت کی پاکستان کے خلاف پروپیگنڈا مہم کے پس منظر میں ذہنی طور پر معذور پاکستانی ہندو نوجوان کو قتل کیا گیا۔ بھارت کی جانب سے دراندازی کا خودساختہ پروپیگنڈا کیا گیا۔
ترجمان دفتر خارجہ کا کہنا ہے کہ ایک ذہنی معذور پاکستانی ہندو نوجوان کو قتل کر کے اس کو دراندازی کا نام دینے نے بھارت کے غلط دعووں کی قلعی کھول دی ہے۔
ترجمان دفتر خارجہ کا کہنا ہے کہ بے بنیاد بھارتی پروپیگنڈا کے ذریعہ بھارت کے اندرونی معاملات،بھارتی اقلیتوں سے امتیازی سلوک اور بھارتی مقبوضہ جموں و کشمیر کی ناقابل قبول صورتحال سے توجہ ہٹائی نہیں جا سکتی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
