اسد عمر کا نالوں پر سے تجاوزات ختم کرنے کا اعلان

سید قاسم رضا

22nd Aug, 2020. 08:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسد عمر کا نالوں پر سے تجاوزات ختم کرنے کا اعلان

وفاقی وزیر برائے منصوبہ بندی اسد عمر نے کراچی کے 3 بڑے نالوں پر سے تجاوزات ختم کرنے کا اعلان کردیا۔

تفصیلات کے مطابق وفاقی وزیر برائے منصوبہ بندی اسد عمر کا کراچی میں میمن کمیونٹی کی تقریب سے خطاب کرتے ہوئے کہا کہ پیر کے روز سے 3 بڑے نالوں پر سے تجاوزات ختم کرنے کا کام شروع ہورہا ہے۔

وفاقی وزیر نے کہا کہ گجرنالے، ملیر اور لیاری پر کام کیا جارہا ہے۔

اسد عمر نے کہا کہ شہر کی ترقی کے حوالے سے کمیٹی پر کام ہورہا ہے۔ این ڈی ایم اے نے اپنا کام شروع کردیا ہے۔

ان کا مزید کہنا تھا کہ تعمیراتی شعبے کو بہت اہمت دی جارہی ہے۔ وزیر اعظم خود تعمیراتی شعبے کی اسکیم کو دیکھ رہے ہیں۔ پاکستان میں ایک کروڑ گھروں کی کمی کا سامنا ہے۔ہر شخص کا حق ہے کہ اس کا اپنا گھر ہو۔

وفاقی وزیر نے کہا کہ تعمیراتی شعبہ وہ ہے جس سے سب سے زیادہ روزگار پیدا کیا جاسکتا ہے۔

اسد عمر کا کہنا تھا کہ انسانی خدمت کے زیادہ تر ادارے کراچی میں ہیں۔شہر کراچی میں میمن کمیونٹی جتنا فلاحی کام کرتی ہے شاید کوئی اور نہیں کرتا ہے۔