کراچی میں موبائل نیٹ ورکنگ کے مسائل اور بجلی کی لوڈ شیڈنگ کے معاملے پر وفاقی وزیر ٹیلی کمیونیکشن سید امین الحق نے نوٹس لے لیا۔

 تفصیلات کے مطابق کراچی میں موبائل نیٹ ورکنگ کے مسائل پر وفاقی وزیر سید امین الحق نے چیئرمین پی ٹی اے اور موبائل فون کمپنیوں کے سربراہان سے رابطہ کیا۔

وفاقی وزیر نے کہا کہ شہری بارش اور سیلاب کی تباہ کاریوں سے پہلے ہی پریشان ہیں جبکہ نیٹ ورکنگ مسائل نے اذیت بڑھادی لہذا کراچی میں موبائل نیٹ ورکنگ کی  فوری بحالی کیلئے اقدامات کیئے جائے۔

سید امین الحق نے یہ بھی کہا کہ چیئرمین پی ٹی اے فوری طور پر متعلقہ حکام کو نیٹ ورکنگ مسائل کے حل کیلئے فعال کریں جبکہ اس طرح کی صورتحال سے مستقبل میں نمٹنے کیلئے مربوط منصوبہ بندی کی بھی ضرورت ہے

وفاقی وزیر کا کہنا تھا کہ صارفین سے مسلسل رابطوں کو یقینی بناتے ہوئے مسائل کا تدارک کیا جائے کیونکہ کسی ہنگامی حالات کی صورت میں نیٹ ورکنگ کے ایسے مسائل صورتحال کو گھمبیر کرسکتے ہیں

سید امین الحق کا یہ بھی کہنا تھا کہ وفاقی وزیر سید امین الحق نے شہر میں مسلسل لوڈ شیڈنگ پر بھی شدید برہمی کا اظہار کرتے ہوئے کہا کہ کیا کے الیکٹرک انتظامیہ لوڈشیڈنگ کے عذاب کا شکار عوام کی اذیت سے آگاہ ہیں اور کیا ساری مصلحتوں اورانتظامی مسائل کا خمیازہ صرف عوام ہی بھگتنے کیلئے رہ گئے ہیں؟

مزید پڑھیں

کراچی میں 8 محرم کا جلوس، موبائل فون سروس معطل

کراچی میں 8 محرم الحرام کے مرکزی جلوس کی گزرگاہ کے اطراف...

وفاقی وزیر سید امین الحق کا مزید کہنا تھا کہ بجلی کے مسائل حل نہیں کرسکتے تو وفاق کو اپنی مجبوری سے آگاہ کردیں عوام کا امتحان نہ لیں جبکہ کے الیکٹرک کو اب اپنے ترسیلی نظام کو جدید تقاضوں کے مطابق بنانا ہوگا۔

یاد رہے اس سے قبل کراچی میں 8 محرم الحرام کے مرکزی جلوس کی گزرگاہ کے اطراف کے علاقوں میں موبائل فون سروس معطل کی گئی تھی۔

کراچی کے علاقوں صدر، آئی آئی چندریگر روڈ، کھارادار، ایم اےجناح روڈ کے اطراف مواصلاتی سگنلز بند کر دیئے گئے تھے جبکہ  پیپلز چورنگی، ریڈیو پاکستان اور اطراف کےعلاقوں میں بھی موبائل فون سروس بند کی گئی تھی۔