بھارت شکست کھا چکا ہے، صدر مملکت

صفدر کلاسرہ

05th Aug, 2020. 05:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت شکست کھا چکا ہے، صدر مملکت

صدر مملکت ڈاکٹر عارف علوی کا کہنا ہے کہ بھارت شکست کھا چکا ہے ، کشمیری بھارت سے متنفر ہوچکے ہیں۔

یوم استحصال پر سینیٹ کے خصوصی اجلاس سے خطاب کرتے ہوئے صدرمملکت ڈاکٹر عارف علوی کا کہنا تھا کہ ہم کشمیری بھائیوں کے ساتھ ہیں اور ان کو کبھی اکیلا نہیں چھوڑا جائے گا۔

صدر مملکت نے کہا کہ پاکستان نے کل ایک نقشے کا اجراء کیا۔ پاکستان کے سیاسی نقشہ کی حمایت پر سیاسی اور کشمیری قیادت کا مشکور ہوں۔

عارف علوی نے کہا کہ ہم نے آج ہی سلامتی کونسل کے ایجنڈے میں کشمیر کو شامل کرنے کی کوشش کی ہے۔

انہوں نے کہا کہ بھارت کشمیریوں کی بغاوت سے پریشان ہوکر اقوام متحدہ میں گیا تھا۔ بھارت نے اقوام متحدہ میں استصواب رائے کا وعدہ کیا تھا۔ کشمیر بھارتی آئین میں غیرقانونی طور پر شامل تھا۔

صدر مملکت نے کہا کہ بھارت نے کرفیو لگا کر اور مواصلات کو منقطع کرکے کشمیریوں پر ظلم کیا۔ مقبوضہ کشمیر میں نو لاکھ سے زائد موجود فورسز کو مزید اختیارات دیے گئے۔

عارف علوی کا کہنا تھا کہ بھارت کشمیریوں کی بغاوت سے پریشان ہوکر اقوام متحدہ میں گیا تھا۔

انہوں نے مزید کہا کہ مسجد کو گرا کر مندر بنانے کے اقدامات کی سب کو مذمت کرنی چاہئے۔