پاک فوج کی ٹیمیں بارش سے متاثرہ ضلع دادو پہنچ گئیں ہیں۔

پاک فوج کے شعبہ تعلقات عامہ (آئی ایس پی آر) کے مطابق پاک فوج کی ٹیمیں بارش سے متاثرہ ضلع دادو پہنچ گئیں ہیں۔

آئی ایس پی آر کے مطابق دادو میں بارشوں سے نئی گج ڈیم کو نقصان پہنچا ہے لیکن سیلاب سے بچاؤ کے بند ٹوٹنے سے دادو کے 12 اضلاع بری طرح متاثر ہوئے ہیں۔

آئی ایس پی آر نے بتایا ہے کہ سیلاب میں پھنسے لوگوں کی مدد کے لیئے پاک فوج کے دستے دادو کے متاثرہ علاقوں میں پہنچ گئے ہیں، موٹر بوٹس کے ساتھ آرمی انجینئرز اور میڈیکل ٹیمیں بھی فلڈ ریلیف اور ریسکیو آپریشن میں شامل ہیں۔

بارشوں کا سلسلہ، پاک فوج سول انتظامیہ کی مدد کو پہنچ گئی

آئی ایس پی آر نے بتایا ہے کہ آرمی میڈیکل ٹیمیں متاثرین کو ریلیف فراہم کررہی ہیں۔

گزشتہ روز پاک فوج کے شعبہ اطلاعات عامہ (آئی ایس پی آر) نے بتایا تھا کہ برسات کے اس موسم میں کراچی شہر میں سول انتظامیہ کی مدد کے لئے پہنچ گئی ہے جس کے بعد پاک آرمی نے کراچی میں ریلیف آپریشن کا آغاز کر دیا گیا تھا۔

آئی ایس پی آر کے مطابق پاک فوج کی ریسکیو ٹیمز متاثرہ علاقوں میں مصروف عمل  ہیں جبکہ ڈیواٹرنگ پمپس اور ضروری حفاظتی سامان کے ساتھ امدادی سرگرمیاں جاری تھیں۔

پاک فوج کی جانب سے نشیبی علاقوں سے پانی کی نکاسی بھی کی جا رہی ہے جبکہ پانی میں پھنسے لوگوں کو ریسکیو بھی کیا جا رہا تھا۔

آئی ایس پی آر کی جانب سے آگاہ کیا گیا ہے کہ شہر بھر میں بارشوں کے باعث سیلاب اور کسی بھی ہنگامی صورت حال سے نمٹنے کے لیے مزید ریسکیو ٹیمز الرٹ کردی گئی تھیں۔

دوسری جانب کراچی میں بارشوں کے دوران کے الیکٹرک کے 1200 فیڈر ٹرپ کرگئے ہیں جس کے بعد شہر کا 60 فیصد سے زائد علاقہ تاریکی میں ڈوپ گیا ہے۔

شہر کے کئی علاقوں میں 12 گھنٹے سے بجلی غائب ہے جس میںلیاری ، کھارادر، صدر ، ناظم آباد کے علاقے شامل ہیں۔