صدر مملکت ڈاکٹر عارف علوی نے کہا ہے کہ پاکستان میں سیاحت کے شعبوں میں سرمایہ کاری کے بہت مواقع موجود ہیں۔

تفصیلات کے مطابق چیمبر آف کامرس  کے تیسرے اچیومنٹ ایوارڈ کی تقریب میں صدر ڈاکٹر عارف علوی کی جانب سے  تقریب سے خطاب کیا جس میں سیاحت سمیت دیگر اہم موضوعات پر انہوں نے اپنے خیالات کا اظہار کیا ہے۔

صدر مملکت نے بتایا ہے کہ گزشتہ سال 15 لاکھ سیاحوں نے گلگت بلتستان کا رخ کیا ہے پاکستان میں سیاحت کے شعبوں میں سرمایہ کاری کے بہت مواقع ہیں۔

مزید پڑھیں

سیاحتی مقامات پر سیاحوں کیلئے سہولیات کو یقینی بنائیں، زلفی بخاری

معاون خصوصی زلفی بخاری نے کہا ہے کہ ملک بھر میں تمام...

کاروبار کے حوالے سے بات کرتے ہوئے ڈاکٹر عارف علوی کا کہنا تھا کہ پاکستان کیلئے چین کے ساتھ افریقی ملکوں میں بھی  کاروبار کے بہترین مواقع ہیں اور کاروبار میں ایمانداری  کے اصول  اپنانے سے بیرون ملک کاروباری  طبقے کا اعتماد بحال ہوگا۔

یاد رہے کہ اس سے قبل وزیراعظم کے ماتحت ٹورزم پر نئی قائم شدہ نیشنل کوآرڈینیشن کمیٹی کا پہلا اجلاس منعقد ہوا جس میں 2022 تک پاکستان میں 60 نیے سیاحتی مقامات کھولنے کا عزم کیا گیا ہے۔

اجلاس میں معاون خصوصی زلفی بخاری نے کہا ہے کہ چاروں صوبے، گلگت بلتستان اور آزاد جموں و کشمیر 10 نئے سیاحتی مقامات کی نشاندہی کریں اور ہر صوبہ اگلے اجلاس میں نئے سیاحتی مقامات کی رپورٹ کمیٹی کو جمع کرائے۔