پی ٹی آئی کے مرکزی رہنما و رکن قومی اسمبلی آفتاب صدیقی نے کہا ہے کہ پاکستانی فوج اور پاکستانی قوم ہر قسم کی جارحیت کامنہ توڑ جواب دینا جانتی ہے۔

تفصیلات کے مطابق پی ٹی آئی کے مرکزی رہنما و رکن قومی اسمبلی آفتاب صدیقی نے یوم دفاع پاکستان پر پیغام میں کہا کہ 6 ستمبر کا دن پاکستان کی تاریخ کے سنہری باب میں شامل ہے۔

پی ٹی آئی کے مرکزی رہنما و رکن قومی اسمبلی نے کہا کہ دھرتی کی حفاظت کرنے والے ہم شہیدوں کو خراج عقیدت پیش کرتے ہیں۔

آفتاب صدیقی نے یہ بھی کہا کہ آج کے دن پاک فوج نے اپنی بہادری اور شجاعت کا مظاہرہ کرتے ہوئے دشمن کو دھول چٹائی، اس ملک کی بنیادوں میں شہدا کا لہو شامل ہے۔

پی ٹی آئی کے مرکزی رہنما و رکن قومی اسمبلی آفتاب صدیقی نے مزید کہا کہ ملک دشمن عناصر یہ بات جان چکے ہیں کہ پاکستان سے ٹکر لینا آسان نہیں ہے کیونکہ پاکستانی فوج اور پاکستانی قوم ہر قسم کی جارحیت کامنہ توڑ جواب دینا جانتی ہے۔

واضح رہے کہ آج پوری قوم یوم دفاع پاکستان ملی اور قومی جوش و جذبے کے ساتھ منا رہی ہے۔

یوم دفاع کی مناسبت سے علی الصبح وفاقی دارالحکومت میں 31اور صوبائی دارالحکومتوں میں 21، 21 توپوں کی سلامی دی گئی۔ مساجد میں فوج کے شہدا کیلئے قرآن خوانی اور ملکی استحکام کیلئے دعائیں کی گئیں جب کہ دیگر مذاہب کے ماننے والوں کی عبقادت گاہوں میں بھی دعائیہ تقریبات ہوئیں۔