کراچی کے علاقے نارتھ کراچی میں گیس پائپ لائن میں زوردار دھماکہ ہوا ہے۔
تفصیلات کے مطابق کراچی کے علاقے نارتھ کراچی میں 2 منٹ چورنگی کے قریب گیس پائپ لائن میں زوردار دھماکہ ہوا ہے۔
ریسکیو ذرائع کا کہنا ہے کہ دھماکے کے باعث خواتین اور بچوں سمیت چار افراد زخمی ہوئے ہیں۔
ریسکیو ذرائع کا کہناہے کہ زخمیوں کو سول اسپتال کے برنس وارڈ منتقل کیا جارہا ہے۔
پولیس حکام کا کہنا ہے کہ دھماکہ نارتھ کراچی سیکٹر فائیو ڈی تھری میں سوئی گیس کی لائن میں ہوا۔
Advertisement
پولیس کے مطابق علاقے میں سیوریج لائن کی کھدائی کے دوران سوئی گیس لائن متاثر ہوئی تھی جس کی مرمت کیے بغیر کام جاری رکھا گیا تھا۔
پولیس کا کہنا ہے کہ گیس لائن میں پریشر بن جانے پر زور دار دھماکا ہوا جس سے آگ بھی لگ گئی۔ دھماکے سے ایک مکان زمین بوس ہوگیا اور چار افراد جھلس کر زخمی ہوگئے۔
جائے وقوعہ پر پولیس، رینجرز، فائر بریگیڈ اور سوئی سدرن گیس کی ٹیمیں بھی موجود ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
