سیاسی و انتخابی معاملات سے کوئی تعلق نہیں ہے اس لئے فوج آئین کے مطابق اپنا کردار ادا کرتی رہے گی۔

تفصیلات کے مطابق آرمی چیف جنرل قمر جاوید باجوہ اور ڈی جی آئی ایس آئی لیفٹیننٹ جنرل فیض حمید کی پارلیمانی رہنماﺅں سے ملاقات ہوئی جس میں گلگت بلتستان سے متعلق اور قومی سلامتی کے معاملات پر تبادلہ خیال کیا گیا۔

ذرائع کے مطابق ملاقات میں عسکری قیادت کی جانب سے دوٹوک موقف اختیار کرتے ہوئے فوج کو سیاست سے دور رکھنے پر زور دیا گیا لیکن ساتھ ہی یہ بھی واضح کیا گیا کہ آئین کے مطابق فوج نے ہمیشہ سول انتظامیہ کی مدد کی ہے اور کرتی رہے گی۔

اس موقع پر گلگت بلتستان کے انتظامی امور پر بھی بات ہوئی پارلیمانی رہنماﺅں پر واضح کیا گیا کہ گلگت بلتستان کو صوبہ بنانا ہے یا اور درجہ دینا ہے اس کا فیصلہ بھی سیاسی جماعتوں نے ہی کرنا ہے۔

ذرائع کاکہنا ہے کہالیکشن کمیشن ،انتخابی عمل یا نیب میں اصلاحات لانا عسکری قیادت کا کام نہیں یہ بھی پارلیمٹ اور سیاسی رہنماﺅں کا ہی کام ہے اور ان معاملات سے فوج کا کسی قسم کا کوئی تعلق نہیں ہے۔

اس بات پر بھی زور دیا گیا کہ ملک میں امن و امان کو یقینی بنانے کے لئے قومی ایکشن پلان پر تیز تر اور موثر عملدرآمد ضروری ہے کیونکہ اس کے بغیر ایکشن پلان کے مقاصد حاصل نہیں کئے جا سکتے۔

ملاقات میں حال ہی میں پیش آنے والے فرقہ واریت کے واقعات کی وجوہات کا بھی جائزہ لیا گیا اور مذہبی آہنگی کو یقینی بنانے کے لئے زور دیا گیا۔