امیر جماعت اسلامی سراج الحق نے کہا ہے کہ جماعت اسلامی بلدیاتی الیکشن میں مکمل حصہ لے گی۔

تفصیلات کے مطابق امیرجماعت اسلامی سراج الحق نے نارووال میں میڈیا سے گفتگو کرتے ہوئے کہا کہ ایک مافیا ہے جس نے 22 کروڑ عوام کو یرغمال بنایا ہوا ہے۔

اپنے بیان میں امیرجماعت اسلامی نے کہا کہ ملک میں کرپشن ہے جبکہ اس ملک کی عدالتوں میں قرآن کا نظام نہیں ہے۔

سراج الحق نے یہ بھی کہا کہ باطل نظام میں کسی کی عزت محفوظ نہیں ہے، خاتون بچوں کے ساتھ جا رہی تھی اس کی عصمت دری کی گئی جبکہ 5 سالہ بچی مروا کو جلا دیا گیا زیادتی کی گئی۔

امیر جماعت اسلامی کا کہنا تھا کہ اس ملک کے ایوانوں میں وہ لوگ برا جمان ہیں جن کو اسلام، نظریہ پاکستان سے کوئی تعلق نہیں، وہ صرف پلاٹوں میں پراپرٹی، شوگر ملوں میں اضافہ کر رہے ہیں۔

سراج الحق کا یہ بھی کہنا تھا کہ جب پی ٹی آئی کو ضرورت ہوتی ہے پیپلز پارٹی ساتھ دیتی ہے جبکہ مسلم لیگ ن والے چاہتے ہیں ان کے کیس ختم ہو جائے۔

امیر جماعت اسلامی نے کہا کہ ایک ہی اپوزیشن جماعت ہے وہ ہے جماعت اسلامی جبکہ ہم اسٹیٹس کو مقابلے متبادل نظام رکھتے ہیں۔

سراج الحق نے یہ بھی کہا کہ کشمیر پر انڈیا نے قبضہ کیا ہوا ہے، پہلے قبضہ تھا اب مقبوضہ کشمیر کی ریاست کو انڈیا کا حصہ بنایا، گزشتہ دن اعدادو شمار کے مطابق 12 لاکھ سے زائد ہندوؤں مقبوضہ کشمیر آئے ان کو ڈومی سائل دئے گئے ہیں، کشمیر میں مسلم اکثریت اقلیت میں تبدیل ہو رہی ہے۔

امیر جماعت اسلامی سراج الحق نے مزید کہا کہ ابھی استعفوں کے معاملے میں ہمارے پاس کوئی ایجنڈا نہیں ہے، جماعت اسلامی بلدیاتی الیکشن میں مکمل حصہ لے گی۔