سینیٹر آصف کرمانی نے کہا ہے کہ حکومت شہریوں کے جان و مال کے تحفظ میں ناکام ہوچکی ہے۔

تفصیلات کے مطابق سینیٹر آصف کرمانی نے اپنے ایک بیان میں کہا کہ موٹر وے پر خاتون کے ساتھ زیادتی حکومتی رٹ اور معاشرے کے منہ پر طمانچہ ہے۔

اپنے بیان میں سینیٹر آصف کرمانی نے مزید کہا کہ معاشرہ تباھی کے دھانے پر پہنچ چکا ھے، میجر سرجری کی ضرورت ہے جبکہ خاتون کے ساتھ زیادتی کے ذمہ داران کو عبرتناک سزا دی جائے

واضح رہےکہ لاہور کے علاقے گجر پورہ میں یہ اندوہناک واقعہ پیش آیا ، جس میں ایک عورت اپنے بچوں کے ہمراہ  گجرانوالہ سے لاہور جارہی تھی، راستے میں گاڑی کا پیٹرول ختم ہونے کی وجہ سے انہیں سڑک کنارے رکنا پڑا۔

مزید پڑھیں

موٹر وے پر خاتون سے زیادتی ، وزیراعلی پنجاب نے نوٹس لے لیا

وزیر اعلیٰ پنجاب نے لاہور میں دن دیہاڑے سڑک کے کنارے پر...

اتنے میں ہی دو نامعلوم افراد آئےانہوں نے گاڑی کا شیشہ توڑ کر عورت اور ان کے بچوں کو باہر نکالا اور سڑک کے اطراف میں بنے کھیتوں میں گھسیٹ کر لے گئے ۔

نامعلوم افراد نے پہلے عورت سے نقدی،زیور ، موبائل فون اور اے ٹی ایم کارڈز چھینے اس کے بعد اس عورت کواجتماعی زیادتی کا نشانہ بنایا اور فرار ہوگئے۔

اجتماعی زیادتی اور ڈکیتی کی دفعات کے تحت متاثرہ خاتون کے رشتے دار کی مدعیت میں درج کیے گئے مقدمے کے بعد پولیس نے لاہور میں نصب سیف سٹی کیمروں کی مدد سے ملزمان کی تلاش شروع کردی ہے۔