معاون خصوصی برائے سیاسی روابط ڈاکٹر شہباز گل نے کہا ہے کہ ملکی مفاد میں بہتری کے لئے ٹرانسفرز بھی ہوں گے اور تبدیلیاں بھی کی جائیگی۔

تفصیلات کے مطابق معاون خصوصی برائے سیاسی روابط ڈاکٹر شہباز گل کی جانب سے مریم اورنگزیب کے بیان پر ردعمل طاہر کیا گیا ہے۔

اپنے بیان میں معاون خصوصی برائے سیاسی روابط ڈاکٹر شہباز گل نے کہا ہے کہ عمران خان کرپٹ ٹولے کیلئے ڈراؤنا خواب ہیں۔

انہوں نے بتایا ہے کہ اب پنجاب میں جمہوریت کا راج ہے آپ کے دور کا بادشاہی نظام پنجاب میں نہیں بچ سکا ہے کیونکہ شریف برادران ے دور میں پنجاب میں بدترین نظام تھا۔

ان کا کہنا تھا کہ آج صوبے کیلئے جو بہتر تھا کیا ہے اور آگے بھی کریں گے۔

مزید پڑھیں

معیشت اور محکموں سیاست کی نظر کردیا گیا ہے، مریم اورنگزیب

پاکستان مسلم لیگ ن کی ترجمان مریم اورنگزیب نے کہا ہے کہ...

 ڈاکٹر شہباز گل نے یاد دہانی کراتے ہوئے کہا ہے کہ نئے پاکستان میں سب کو مل کر ملک کی بہتری کیلئے کام کرنا ہوگا کیونکہ بہتری کا عمل تبدیلی سے مشروط ہے۔

انہوں نے کہا ہے کہ مسلم لیگ ن کی جانب سے ملک کو دونوں ہاتھوں سے لوٹا گیا، ادارے تباہ کیے گئے اور بیماری کے پیچھے چھپ گئے۔

یاد رہے کہ اس سے قبل مریم اورنگزیب نے سماجی رابطے کی ویب سائٹ پر اپنے ایک ٹوئٹ پیغام میں کہا ہے کہ عمران صاحب کو جب تک تبدیل نہیں کیا جائے گا،اس وقت تک ملک اور عوام کےلئے کوئی مثبت تبدیلی نہیں آ سکتی ہے۔

مریم اورنگزیب نے کہا ہے کہ آئی جی کو نہیں بلکہ عمران صاحب کو تبدیل کرنا پڑے گا کیونکہ عمران صاحب نے معیشت،گورننس اور محکموں کا جنازہ نکال دیا ہے۔