کراچی کے علاقے کورنگی میں منہدم ہونے والی عمارت نے 4 زندگیاں نگل لیں ار 7 افراد زخمی بھی ہوئے ہیں۔

تفصیلات کے مطابق کورنگی اللہ والا ٹاؤن میں رہائشی عمارت کرنے کی رپورٹ وزیراعلی سندھ کو پیش کردی گئی ہے جس میں بتایا گیا ہے کہ عمارت کے گرنے سے 4 افراد جاں بحق ہوئے ہیں جبکہ 7 افراد زخمنی حالت میں جناح اسپتال منتقل کئے گئے ہیں۔

کمشنر کراچی افتخار شلوانی کی جانب سے وزیراعلیٰ کو پیش کردہ رپورٹ میں بتایا گیا ہے کہ کورنگی اللہ والا ٹاؤن میں80 گز کے پلاٹ پر تین منزلہ عمارت تعمیرکی گئی جبکہ عمارت سندھ بلڈنگ کنٹرول اتھارٹی کی منظوری کے بغیر بنائی گئی ہے۔

مزید پڑھیں

کورنگی میں عمارت منہدم، سندھ رینجرز مدد کیلئے پہنچ گئی

کراچی کے علاقے کورنگی کراسنگ کے قریب عمارت منہدم ہونے پر سندھ...

اس ضمن میں مرادعلی شاہ کی جانب سے دیگر مخدوش عمارتیں فوری خالی کرنے کا حکم دیدیا گیا ہے۔

یاد رہے کہ گذشتہ روز کورنگی کے علاقے اللہ والا ٹاؤن میں عمارت گرنے کے معاملے پر وزیراعلیٰ سندھ سید مراد علی شاہ کی جانب سے واقعہ کا نوٹس لے لیا گیا تھا۔

جانی نقصان پر وزیراعلیٰ سندھ کا گہرے دکھ کا اظہار کرتے ہوئے مراد علی شاہ نے کہا ہے کہ ایسی تمام عمارتیں یہ بوسیدہ ہیں یا کمزور ہیں انکی شناخت کی جائے۔

کراچی کے علاقے  کورنگی کراسنگ کے قریب واقع اللہ والا ٹاؤن میں 5 منزلہ رہائشی عمارت منہدم ہوئی تھی جس میں خواتین اور بچوں سمیت 25 سے زائد افراد کے ملبے تلے  دبے ہونے کا خدشہ ہے۔

گرنے والی عمارت میں  کباڑ کی دکان تھی جس میں  چھ سے آٹھ ملازمین موجود تھے۔رہائشی عمارت میں دس  سے زائد خاندان رہائش پذیر تھے۔

عمارت ڈھائی سال پہلے تعمیر ہوئی تھی۔یہ عمارت 80 گز پر تعمیر ہوئی ہے۔ قانون طور پر 80 گز پر صرف ون پلس ٹو بنانے کی اجازت ہے۔