پاکستان اور ازبکستان کے مابین تجارت اور اکنامک افیئرز پر جوائنٹ ورکنگ گروپ تشکیل دینے کیلئے اہم ایم اویو سائن کر لیا گیا ہے۔

تفصیلات کے مطابق ازبکستان کے نائب وزیراعظم کی جانب سے وفد کے ہمراہ پاکستان کا دورہ کیا گیا ہے جس کا باقاعدہ اعلامیہ بھی جاری کردیا گیا ہے۔

اعلامیے کے مطابق دونوں ممالک تجارت کے فروغ کیلئے مل کر کام کریں گے، اس ضمن میں ازبکستان کی جانب سے امپورٹ ایکسپورٹ کیلئے پاکستان کی پورٹ کے استعمال میں دلچسپی ظاہر کی گئی ہے۔

مزید پڑھیں

پاکستان اور ازبکستان کے برادرانہ تعلقات ہیں، وزیر اعظم

وزیر اعظم عمران خان کا کہنا ہے کہ  پاکستان اور ازبکستان کے...

اعلامیہ میں بتایا گیا ہے کہ وفد کی جانب سے وزارت صنعت، میری ٹائم افیئرز و دیگر سے بھی اجلاس ہوئے ہیں، اجلاس میں ٹیکسٹائل، فارما اور زرعی سیکٹر میں انوسمنٹ پر بات کی گئی ہے۔

دونوں جانب سے ملک کر کام کرنے اور لینڈ اور بارڈرز کے ذریعے کنکٹیویٹی بڑھانے پر بجی اتفاق ہوا ہے۔

اس سے قبل ازبکستان کے نائب وزیراعظم برائے سرمایہ کاری و خارجہ معاشی تعلقات  نے وزیراعظم  عمران خان سے ملاقات کی۔

ملاقات میں باہمی دلچسپی، کورونا وائرس ،دو طرفہ تعلقات اور خطے میں امن و امان سمیت اہم معاملات پر تبادلہ خیال کیا گیا۔

ملاقات میں مشیر تجارت عبدالرزاق داؤد بھی موجود تھے۔

اس موقع پر وزیر اعظم کا کہنا تھا کہ   پاکستان اور ازبکستان کے برادرانہ تعلقات ہیں۔ ہم کورونا وائرس کے خاتمے کے بعد ازبک صدر کے دورہ پاکستان  کے منتظر ہیں۔