دفتر خارجہ کی جانب سے سابق وزیراعظم میاں نواز شریف کے ناقابل ضمانت وارنٹ گرفتاری پر عمل درآمد  کا فیصلہ کرلیا گیا ہے۔

اس ضمن میں نواز شریف کے ناقابل ضمانت وارنٹ گرفتاری سیکرٹری خارجہ امور سہیل محمود کو ارسال کر دیے گئے جس کے لئے برطانیہ میں پاکستانی ہائی کمیشن کو خصوصی ہدایات دی جاٸیں گی۔

  ہائی کورٹ نے ہدایت کی ہے کہ نواز شریف کی 22 ستمبر اور دیگر تاریخوں پر حاضری یقینی بنائی جائے وارنٹس ہائی کورٹ کے اسسٹنٹ رجسٹرار کی جانب سے سیکرٹری خارجہ سہیل محمود کو ارسال کئے گئے جس پر دفتر خارجہ نے سابق وزیر اعظم میاں نواز شریف کے ناقابل ضمانت وارنٹ گرفتاری پر عمل درآمد کا فیصلہ کیا ہے، اس ضمن میں جلد برطانیہ میں پاکستانی ہائی کمیشن کو جلد خصوصی ہدایات دی جائیں گی ہائی۔

کورٹ کے جسٹس عامر فاروق کی سربراہی میں دو رکنی بینچ نے ناقابل ضمانت وارنٹ گرفتاری جاری کیے تھے جو کہ ایون فیلڈ اور العزیزیہ ریفرنس میں سزا کے خلاف اپیلوں کی سماعت پر حاضری کے لیے جاری کیے گئے ہیں۔

یاد رہے کہ اسلام آباد ہائی کورٹ نے سابق وزیراعظم نواز شریف کے ناقابل ضمانت وارنٹ گرفتاری پر عمل درآمد کے لیے سیکریٹری خارجہ امور کو حکم دیا تھا۔

مزید پڑھیں

نواز شریف کے ناقابل ضمانت وارنٹ گرفتاری کا معاملہ، سماعت کا تحریری حکمنامہ جاری

نواز شریف کے ناقابل ضمانت وارنٹ گرفتاری جاری کرنے کے معاملے پر...

یاد رہے کہ نواز شریف کے ناقابل ضمانت وارنٹ گرفتاری جاری کرنے کے معاملے پر اسلام آباد ہائیکورٹ کی جانب سے سماعت کا تحریری حکمنامہ جاری کردیا گیا ہے۔

تحریری حکم نامے کے مطابق نواز شریف کی حاضری سے استثنیٰ اور نمائندے کے ذریعے ٹرائل جاری رکھنے کی درخواست مسترد کی گئی ہے اور نواز شریف کے ناقابل ضمانت وارنٹ گرفتاری جاری کیے گئے ہیں۔

حکم نامے میں کہا گیا ہے کہ 22 ستمبر کو نواز شریف کو گرفتار کر کے عدالت میں پیش کیا جائے۔

حکم نامے میں مزید کہا گیا ہے کہ احتساب عدالت کی جانب سے نواز شریف کو اشتہاری قرار دیا گیا ہے اور عدالت میں عدم حاضری کے باعث نواز شریف کے وارنٹ گرفتاری جاری کیے گئے ہیں۔