وزیر خارجہ شاہ محمود قریشی کی جانب سے اقوام متحدہ سلامتی کونسل صدر کو ایک اور خط لکھ دیا گیا ہے۔
تفصیلات کے مطابق ترجمان دفتر خارجہ زاہد خفیظ شیخ نے آگاہ کیا ہے کہ وزیر خارجہ شاہ محمود قریشی کی جانب سے اقوام متحدہ سلامتی کونسل صدر کو ایک اور خط لکھ دیا گیا ہے۔
اس ضمن میں ترجمان دفتر خارجہ کی جانب سے بتایا گیا ہے کہ وزیرخارجہ شاہ محمود قریشی نے حخط کے ذریعے مقبوضہ جموں و کشمیر کی صورتحال بیان کی ہے۔
سلامتی کونسل کو خط میں بتایا گیا ہے کہ ایک سال سے زائد کے عرصے میں 9 لاکھ بھارتی فوج نے 80 لاکھ کشمیریوں کو یرغمال بنا رکھا ہے اور اب مقبوضہ کشمیر میں بھارت کی ریاستی دہشتگردی کی نئی لہر جاری ہے۔
خط کے متن کے مطابق بھارت مقبوضہ کشمیر میں آبادی کا تناسب تبدیل کرنے کی سازش کر رہا ہے تاہم مقبوضہ کشمیر میں تنظیم نو، ڈومیسائل کے کالے قوانین سے آبادی کا تناسب تبدیل کیا جا رہا ہے جس سے صاف ظاہر ہے کہ بھارت مسلم اکثریتی علاقے کو ہندو اکثریت میں تبدیل کرنا چاہتا ہے۔
مزید بتایا گیا ہے کہ بھارت بین الاقوامی قانون اور چوتھے جنیوا کنونشن کی دھجیاں بکھیر رہا ہے اور بھارت کے اقدامات سے پیدا شدہ صورتحال امن و سلامتی کیلئے خطرہ ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News