کراچی میں دہشت گردی کا بڑا منصوبہ ناکام بنادیا گیا، پولیس نے بروقت کارروائی کرتے ہوئے برصغیر کا اہم کارندہ گرفتارکرلیا ہے۔
تفصیلات کے مطابق پولیسن کی جانب سئے بروقت کارروائی کتے ہوئے گڈاپ سے افغانستان سے تربیت یافتہ القاعدہ برصغیر کراچی کا اہم رکن گرفتار کرلیا گیا ہے۔
پولیس نے دہشتگرد کے قبضے سے04 کلو بارودی مواد، 05 ڈیٹونیٹرز، ڈیٹونیٹرز کی تاریں اور 02 پسٹلز تحویل میں لے لی ہیں جس سے معلوم ہوا ہے کہ گرفتار دہشتگرد سعیداللہ عرف چھوٹی دنیا کراچی میں کسی بڑے سانحے کی منصوبہ بندی کر رہا تھا۔
پولیس کا کہنا ہے کہ گرفتار دہشتگرد کسی بھی نوعیت کا بم نصب کرنے کا ماہر تھا جبکہ گرفتار دہشتگرد سے اس کے ساتھیوں کے متعلق پوچھ گچھ جاری ہے۔
پولیس کی جانب سے گرفتار دہشتگرد کے خلاف دہشتگردی سمیت دیگر دفعات کے تحت مقدمہ درج کر لیا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News