صوبہ پنجاب میں   نو روز کےدوران زیادتی  کا ایک اور اندوہناک واقعہ پیش آگیا۔

تفصیلات کے مطابق  پنجاب کے ضلع شیخوپورہ کے شہر فیروزوالا میں پولیس چوکی کالا شاہ کا کو کے قریب خدا کی بستی میں اجتماعی زیادتی کااندوہناک واقعہ پیش آیا ہے۔

متاثرہ خاتون کے شوہر محمد وارث  نے سولہ ستمبر کی شام ہونےوالی زیادتی کی داستان پولیس کو سنادی۔

شوہر نے پولیس کو بتایا کہ  ملزمان نے نوکری کا لالچ دیا اور  ہمیں ایک جگہ سے دوسری جگہ گھماتے رہے ، گاؤں سے باہر پہنچنے پر ملزمان نے اسلحہ تان لیا  اور اہلیہ کو کھیتوں میں لے جاکر عصمت دری کی۔

پولیس نے ملزمان کے خلاف مقدمہ درج   کرکے مشتبہ افراد کو حراست میں لے لیا  ہے۔

ڈی پی او کاکہنا ہے  کہ دیگر ملزمان کی گرفتاری  کے لیے چھاپے مارے جارہے ہیں۔

مزید پڑھیں

موٹروے زیادتی کیس، ملزمان جلد قانون کی گرفت میں ہوں گے، وزیر اعلیٰ پنجاب

وزیر اعلیٰ پنجاب عثمان بزدار کا کہناہے کہ لاہور موٹروے پر خاتون...

یاد رہے کہ 9 ستمبر کو لاہور کے علاقے گجر پورہ میں موٹر وے پر  بھی خاتون کو اجتماعی زیادتی کا نشانہ بنانے کا واقعہ پیش آیا تھا۔

ایف آئی آر کے مطابق  ایک خاتون اپنے تین بچوں کے ہمراہ  گجرانوالہ سے لاہور جارہی تھیں، راستے میں گاڑی کا پیٹرول ختم ہونے کی وجہ سے انہیں سڑک کنارے رکنا پڑا۔ موٹروے پر گاڑی روک کر خاتون شوہر کا انتظار کر رہی تھی، پہلے خاتون نے اپنے ایک رشتے دار کو فون کیا، رشتے دار نے موٹر وے پولیس کو فون کرنے کا کہا۔

خاتون نے موٹروے پولیس کو فون کیا مگر موٹر وے پولیس نے مبینہ طور پر کہا کہ کوئی ایمرجنسی ڈیوٹی پر نہیں ہے۔

اسی اثناء میں  دو افراد نے موٹر وے پر کھڑی گاڑی کا شیشہ توڑ کر خاتون اور اس کے بچوں کو نکالا، موٹر وے کے گرد لگی جالی کاٹ کر سب کو قریبی جھاڑیوں میں لے گئے اور پھر خاتون کو بچوں کے سامنے زیادتی کا نشانہ بنایا اور نقدی و قیمتی سامان چھین لیا۔