پاکستان ایئر لائنز (پی آئی اے) نے کرایوں میں 10 سے 20 فیصد تک  کمی کا اعلان کیا ہے۔

تفصیلات کے مطابق پاکستان ایئر لائنز (پی آئی اے) نے معمر افراد کے لئے اپنے کرایوں میں 10 فیصد سے لے کر 20 فیصد تک  کمی کا اعلان کر دیا ، پی آئی اے انتظامیہ نے کرایوں میں کمی کے حوالے سے نوٹیفکیشن بھی جاری کیا ہے۔

پی آئی اے انتظامیہ کی جانب سے جاری کردی نوٹیفکیشن میں کہا گیا ہے کہ کینیڈا سے  پاکستان آنے والے مسافروں کے لئے15 فیصد رعایت دی گئی ہےجبکہ سکھر سے کراچی آنے والی  پرواز کا یکطرفہ کرایہ 7 ہزار 900 روپے مقرر کیا گیا ہے۔

نوٹیفکیشن میں مزید کہا گیا ہے کہ قومی ائیرلائن (پی آئی اے) کی جانب سے سکھر سے اسلام آباد  کے لئے 10 ہزار روپے، جب کہ فیصل آباد سے کراچی آنے والی پرواز کے لئے 20 فیصد کمی کا اعلان کیا گیا ہے۔

واضح رہے کہ اس سے قبل بھی پی آئی اے نے سفر کرنے والے مسافروں کو اچھی خبر سناتے ہوئے کرایوں میں بڑی رعایت کا اعلان کیا تھا۔

ترجمان پی آئی اے نے کہا تھا کہ کراچی سے اسلام آباد اور لاہور جانے والی پروازوں کے کرایوں میں کمی کی گئی ہے۔

اپنے بیان میں پی آئی اے ترجمان نے یہ بھی کہا تھا کہ پی آئی اے اسلام آباد کے لئے روزانہ چار پروازیں آپریٹ کرتی ہے جبکہ پی آئی اے لاہور کے لئے روزانہ دو پروازیں آپریٹ کر رہی ہے۔