صدر مملکت ڈاکٹر عارف علوی کی جانب سے تمام شہداء کو ان کی کدمات اور بہادری پر خراج عقیدت پیش کیا گیا ہے۔

تفصیلات کے مطابق صدر مملکت ڈاکٹر عارف علوی کی شمالی وزیرستان میں شہید ہونے والے آرمی کے جوانوں کے لواحقین سے ٹیلیفونک بات چیت کی گئی ہے۔

صدر مملکت نے لیفٹینٹ ناصر، نائیک عمران، سپاہی عثمان اور سپاہی ساجد کے اہل خانہ سے بات کی صدر مملکت کا شہداء کو اُن کی خدمات اور بہادری پر خراج عقیدت پیش کیا ہے۔

حکومت پاکستان اور سب پاکستانیوں کی طرف سے میں نے ان کے والدین اور خاندانوں کا شکریہ ادا کیا، کہ انہوں نے ایسے بیٹوں کو جنم دیا اور انکی پرورش کی جنہوں نے ہماری خاطر اور اپنے وطن کی خاطر جان کا نظرانہ پیش کیا۔ اللہ انکی قرابنیوں کو قبول فرمائے اور لواحقین کو صبر جمیل عطا کرے۔ آمین https://t.co/JZu4iw5TrD

Advertisement

— Dr. Arif Alvi (@ArifAlvi) September 16, 2020

اس ضمن میں صدر مملکت ڈاکٹر عارف علوی کا کہنا تھا کہ حکومت پاکستان اور سب پاکستانیوں کی طرف سے میں نے ان کے والدین اور خاندانوں کا شکریہ ادا کیا ہے کہ انہوں نے ایسے بیٹوں کو جنم دیا اور انکی پرورش کی جنہوں نے ہماری خاطر اور اپنے وطن کی خاطر جان کا نظرانہ پیش کیا۔

انہوں نے دعائیہ کلمات کا استعمال کرتے ہوئے کہا ہے کہ اللہ انکی قرابنیوں کو قبول فرمائے اور لواحقین کو صبر جمیل عطا کرے۔

یاد رہے کہ گذشتہ روز پاک فوج کےشعبہ تعلقات عامہ کے ڈائریکٹر جنرل آئی ایس اپی آر میجر جنرل بابر افتخار نے سماجی رابطے کی ویب سائٹ ٹویٹر پر اپنے ایک پیغام میں کہا کہ آرمی چیف جنرل قمر جاوید باجوہ نے لیفٹیننٹ ناصر حسین خالد شہید کے گھر جا کر فیملی سے ملاقات کی ، جس میں آرمی چیف نے شہید لیفٹیننٹ ناصر حسین خالد کے ایصال ثواب کے لیئے فاتحہ خوانی کی۔