وفاقی وزیر برائے قومی غذائی تحفظ و تحقیق سید فخرامام نے کہا ہے کہ زراعت سی پیک کے 7 اہم حصوں میں سے ایک ہے۔

تفصیلات کے مطابق وفاقی وزیر برائے قومی غذائی تحفظ و تحقیق سید فخرامام کی زیر صدارت جنوبی بلوچستان کی ترقی سے متعلق مشاورتی اجلاس ہوا جس میں واشک ، خاران ، پنجگور ، کچ ، لسبیلہ، آواران ، خضدار اور گوادر پر بات چیت کی گئی جبکہ بلوچستان میں نامیاتی کپاس کے فروغ پر بحث بھی کی گئی۔

آواران ، لسبیلہ اور خضدار کی خصوصیت، کسانوں کے لئے غیر جی ایم کپاس پر گفتگو کی گئی جبکہ خضدار ، خاران اور آواران زیتون میں روایتی فصلوں کو اپ گریڈ کرنے پر تبادلہ خیال کیا گیا۔

کزیتون کے باغ اور نرسریوں کا قیام ، زیتون کے تیل نکالنے والے یونٹوں کی تنصیب اور پاک زیتون کی برانڈ ، مارکیٹنگ پر بات چیت کی گئی جبکہ گوادر اور لسبیلہ میں ، کیج کلچر کے ذریعہ فش فارمنگ پر تفصیلی گفتگو بھی کی گئی۔

سید فخر امام نے اجلاس کی صدارت کرتےہوئے کہا کہ ہمیں سائنسی طور پر زرعی معاشی نظام کی اصلاح کی ضرورت ہے جبکہ فصلوں کی ویلیو ایڈیشن کے لئے بلوچستان سر فہرست ہوسکتا ہے۔

مزید پڑھیں

ملک میں عالمی وبا سے مزید 111 اموات

کورونا وائرس کے سبب پاکستان میں مزید 111 افراد جاں بحق ہوگئے...

ٹڈی دل کے مزید حملے کا خدشہ ہے ، فخر امام

وفاقی وزیر سید فخرامام کا کہنا ہے کہ ٹڈی دل کاعراق اور...

سید فخرامام نے یہ بھی کہا کہ بلوچستان مویشیوں کے لئے بڑے پیمانے پر زمینیں برقرار رکھ سکتا ہے جبکہ سمندری ماہی گیری بلوچستان زرعی معیشت کے لئے اہم ثابت ہوسکتی ہے۔

وزیر برائے قومی غذائی تحفظ و تحقیق سید فخرامام نے مزید کہا کہ ہمیں سائنسی طور پر زرعی معاشی نظام کی اصلاح کی ضرورت ہے جبکہ زراعت سی پیک کے 7 اہم حصوں میں سے ایک ہے۔