وفاقی وزیر برائے بحری امور علی زیدی نے کہا ہے کہ حکومت پاکستان کی جانب سے سمندری سرحد اب مسافروں کیلئے کھول دی گئی ہے۔

تفصیلات کے مطابق سماجی رابطے کی ویب سائٹ پر اپنے ایک ٹوئٹ میں وفاقی وزیر برائے بحری امور علی زیدی  نے کہا ہے کہ یہ پاکستان کیلئے تاریخی دن ہے کیونکہ وزیرِ اعظم عمران خان نے عام آدمی کو ریلیف دینے کا ایک اور بڑا فیصلہ کرلیا ہے۔

Historic day for Pakistan.
In pursuance of PM @ImranKhanPTI vision of #BlueEconomy
Federal Cabinet allowed @MaritimeGovPK initiative to start Ferry/Passenger Ships to all possible destinations across the world.
Maritime frontiers now open for sea travel.

— Ali Haider Zaidi (@AliHZaidiPTI) September 8, 2020

علی زیدی نے اپنے پیغام میں بتایا ہے کہ بلیو اکانومی کے مقصد حصول کیلئے وفاقی کابینہ نے فیری سروس کے لیے بحری جہاز چلانے کی تجویز کی منظوری دیدی ہے۔

یاد رہے کہ اس سے قبل وزیراعظم عمران خان کی زیر صدارت وفاقی کابینہ کا اجلاس ہوا ، جس میں ملکی سیاسی اور معاشی صورتحال سمیت 15 نکاتی ایجنڈے کا جائزہ لیا گیا جبکہ وفاقی کابینہ کو اہم معاشی اعشاریوں پر بریفنگ دی گئی۔

اجلاس میں پاکستان میں فیری سروس کا آغاز کرنے کی منظوری بھی دی گئی جبکہ کابینہ نے پورٹ قاسم کراچی میں ایل این جی ٹرمینلز اور ایکس کیڈرپوسٹس پرجوڈیشل آفیسربھرتی کرنے کی بھی منظوری دی گئی۔