وفاقی حکومت نے جو وعدے کیے ہیں وہ کراچی کا حق ہے، فیصل سبزواری

سید قاسم رضا

05th Sep, 2020. 04:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وفاقی حکومت نے جو وعدے کیے ہیں وہ کراچی کا حق ہے، فیصل سبزواری

ایم کیوایم پاکستان کے رہنما فیصل سبزواری کا کہنا ہے کہ وفاقی حکومت کی جانب سے جو بھی وعدے کیےگئے ہیں وہ کراچی کا حق ہے۔

کراچی میں گورنر ہاؤس کے باہر میڈیا سے گفتگو کرتے ہوئے رہنما ایم کیوایم پاکستان فیصل سبزواری کا کہنا تھا کہ کراچی میں 1100 ارب کے ترقیاتی منصوبے کے پلان کا وعدہ کیا گیا ہے۔ ہماری خواہش ہے کہ کراچی میں تیزی سے ترقیاتی کام شروع ہوں۔

فیصل سبزواری نے کہا کہ جو بھی وعدےکیے گئے ہیں وہ کراچی کا حق ہے۔کراچی کئی سو ارب روپے قومی خزانے میں جمع کراتا ہے۔

ان کا مزید کہنا تھا کہ ایڈمنسٹریٹر کے معاملے پر ہم سے مشاورت نہیں ہوئی۔ہمارا مطالبہ ہے کہ ایڈمنسٹریٹر غیر جانبداری کے ساتھ مسائل حل کریں۔

رہنما ایم کیو ایم پاکستان نے کہا کہ وزیر اعظم سے ملاقات میں انہیں مسائل سے آگاہ کیا ہے۔

فیصل سبزواری کا کہنا تھا کہ چیف جسٹس صاحب کہتے ہیں کراچی کی آبادی ساڑھے تین کروڑ ہے،اسی سے متعلق ہماری پٹیشن بھی داخل ہے۔

ان کا کہنا تھا کہ کراچی کی مردم شماری درست نہیں ہوگی تو کیسے تمام چیزیں مہیا کی جائیں گی۔

رہنما ایم کیو ایم پاکستان نے کہا کہ شہری سندھ پر تحفظات ہیں، صوبائی کوٹے کے مسائل اور کہیں نہیں ہیں۔