سندھ ہائیکورٹ: گجر نالے پر تجاوزات کیخلاف آپریشن روکنے کی استدعا مسترد

سید قاسم رضا

04th Sep, 2020. 03:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ ہائیکورٹ: گجر نالے پر تجاوزات کیخلاف آپریشن روکنے کی استدعا مسترد

سندھ ہائیکورٹ نے گجر نالے پر تجاوزات ہٹانے کا آپریشن روکنے کی استدعا مسترد کردی ہے ۔

تفصیلات کے مطابق سندھ ہائیکورٹ نے گجر نالے پر تجاوزات ہٹانے کا آپریشن روکنے کی استدعا مسترد کرتے ہوئے درخواست قابل سماعت ہونے سے متعلق درخواست گزار کے وکیل سے دلائل طلب کرلیے۔

درخواست گزار نے موقف اختیار کیا کہ وہ گذشتہ 50 برسوں سے طیبہ ٹاؤن گلبرگ میں رہائش پذیر ہیں اور کے ایم سی کی جانب سے اراضی لیز کرنے کے بعد گھر بنایا ہے جو قانونی ہے۔

درخواست گزار نے کہا کہ گجر نالے کے اطراف پہلے 30 فٹ اور اب 105 فٹ تک گھر گرانے کی بات ہو رہی ہے۔

درخواست گزار نے موقف اپنایا کہ انہوں زندگی کی جمع پونجی لگا کر گھر بنایا ہے جو اب گرانے کی بات ہو رہی ہے، لیز گھر گرانے سے حکام کو روکا جائے۔

عدالت نے تجاوزات کے خلاف فوری آپریشن روکنے کی استدعا مسترد کرتے ہوئے آئندہ سماعت پر درخواست قابل سماعت ہونے سے متعلق درخواست گزار کے وکیل سے دلائل طلب کر لیے ہیں۔