مفتی عبدالقوی کی ایک اور متنازعہ ویڈیو وائرل

ویب ڈیسک

11th Sep, 2020. 05:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مفتی عبدالقوی کی ایک اور متنازعہ ویڈیو وائرل

معروف عالم دین مفتی عبدالقوی کی ایک اور متنازعہ ویڈیو وائرل ہوگئی۔

تفصیلات کے مطابق معروف عالم دین مفتی عبدالقوی کی ایک اور متنازعہ ویڈیو وائرل ہوگئی ہے جس میں وہ ایک غیرملکی خاتون کے ساتھ رقص کرتے ہوئے نظر آ رہے ہیں۔

اس ویڈیو کے حوالے سے بول نیوز سے گفتگو کرتے ہوئے مفتی عبدالقوی نے اس ویڈیو کو جعلی قرار دے دیا ہے۔

مفتی قوی کا کہنا ہے کہ لندن میں ن لیگ کے میٹرو پول چینل نے یہ ویڈیو وائرل کی ہے۔ چینل کے مالک حماد کا رات مجھے فون آیا ہے کہ ہم ویڈیو ڈیلیٹ کررہے ہیں۔

انہوں نے کہا کہ چینل میں ایک ہندو لڑکا کام کرتا ہے ،اس نے یہ ویڈیو وائرل کی ہے ۔ چینل کے مالک نے کہا ہے کہ ہم لڑکے کو فارغ کررہے ہیں۔

مفتی قوی نے مزید کہا کہ میں نے آج تک کالے رنگ کی قمیض نہیں سلوائی۔ قیمض جسم کے ساتھ جڑی اور ٹائٹ لگ رہی ہے جبکہ میں کھلے کپڑے پہنتا ہوں۔

انہوں نے کہا کہ میری گردن کسی کے جسم پر لگا کر ویڈیو بنائی گئی ہے ۔ویڈیو کا حقیقت سے کوئی تعلق نہیں ہے۔

مفتی قوی نے کہا کہ مخالفین نے چائنہ پاکستان دشمنی اور اطالوی خاتون کو کلمہ پڑھانے کی رنجش پر ایسا کیا ہے۔ میں پانچ دن سے ملتان میں بیٹھا ہوں ، ویڈیو میرے خلاف سازش ہے۔