اپوزیشن جماعتوں کی جانب سے آل پارٹیز کانفرنس (اے پی سی) میں کے گئے فیصلوں پر مکمل طور پر عمر درآمد کرنے کے لئے روڈ میپ تیار کرلیا گیا ہے۔

تفصیلات کے مطابق مولانا فضل الرحمان کا نواز شریف سے ٹیلیفونک رابطہ ہوا ہے جس میں دونوں رہنماؤں میں اے پی سی کے فیصلوں پر مکمل عمل درآمد کے لیے جامع روڈ میپ پر اتفاق کیا گیا ہے۔

رابطے کے دوران دونوں رہنماؤں کے درمیاں ملکی سیاسی صورتحال اور اپوزیشن کی تحریک پر تبادلہ خیال کیا گیا ہے جبکہ اے پی سی کے بعد کی صورتحال اور اپوزیشن کی تحریک کے ایکشن پلان پر بھی مشاورت کی گئی ہے۔

رابطے کے دوران اپوزیشن کے نئے اتحاد پاکستان ڈیموکریٹک موومنٹ کی سربراہی پر بھی مشاورت کی گئی ہے جبکہاسمبلیوں سے استعفوں کے لئے کمیٹی کے قیام پر بھی تبادلہ خیال کیا گیا ہے۔

واضح رہے کہ اس سے قبل اپوزیشن لیڈر شہبازشریف کی لاہور میں اہم میٹنگ کے حوالے سے سینئر صحافیوں و اینکرپرسن سے گفتگو کرتے ہوئے کہا ہے کہ حکومت کو جتنا وقت دینا تھا دے چکے مزید وقت نہیں دیں گے۔

میاں شہباز شریف نے کہا ہے کہ عمران خان مجھے ہر صورت گرفتار کروانا چاہتے ہیں اور مجھ پر مفاہمتی سیاست کا الزام لگاتے ہیں لیکن یہ بتائیں مفاہمت سے اب تک کیا ذاتی مفاد حاصل کیا ہے؟

اپوزیشن لیڈر نے کہا ہے کہ ہت ہوگیا حکومت کو اب ایک منٹ بھی نہیں دیں گے کیونکہ اب وقت آ گیا ہے کہ حکومت کو بے نقاب کیاجائے۔

انہوں نے بتایا ہے کہ ہمارے منصوبوں میں شفافیت ہے ایک دھیلے کی کرپشن نہیں کی گئی اور نہ ہی نوازشریف نے کبھی محاذ آرائی کی بات کی ہے۔

ان کا مزید کہنا تھا کہ حالیہ نوازشریف کی اے پی سی میں کی جانے والی تقریر آئین و قانون کے مطابق ہے، میرے قائد نے تقریر میں کوئی ایسی بات نہیں کی جو آئین سے متصادم ہو۔