سی سی پی او لاہور محمد عمر شیخ نے کہا ہے کہ ہمارا کام شہریوں کے جان و مال کے تحفظ اور پولیس سروسز کو عوام الناس کےلئے یقینی بنانا ہے۔

تفصیلات کے مطابق گورنر پنجاب چوہدری محمد سرور سے سی سی پی او عمر شیخ کی ملاقات ہوئی ہے، ملاقات کورنر ہاؤس میں کی گئی ہے۔

ملاقات کے دوران سی سی پی او لاہور نے موٹر وے کیس سے متعلق گورنر پنجاب کو  بریفنگ دی اور کہا ہے کہ اگر میری گفتگو سے دل آزاری ہوئی ہے تو معافی مانگتا ہوں۔

سی سی پی او کی جانب سے گورنر پنجاب چوہدری محمد سرور کو اپنے بیان پر وضاحت پیش کی گئی اور متاثرہ خاتون اور تمام طبقات سے معافی مانگنے بارے میں بتایا گیا۔

دوسری جانب سی سی پی او لاہور محمد عمر شیخ سے ایڈوائزرز ٹو سی ایم پنجاب، ہیلتھ ایڈوائزر ٹو سی ایم پنجاب ایم پی اے محمد حنیف پتافی اور ایگریکلچر ایڈوائزر ٹو سی ایم پنجاب سردار عبدالحئی کی بھی ملاقات ہوئی ہے۔

ملاقات میں شہر لاہور کی امن و امان کی صورتحال پر تبادلہ خیال کیا گیا ہے۔

سی سی پی او لاہور سے ملاقات میں ایم پی ایز صاحبان نے جرائم کے خاتمے پر مکمل سپورٹ کا اظہار کیا گیا ۔

اس ضمن میں سی سی پی او لاہور نے کہا ہے کہ لاہور پولیس وزیراعظم پاکستان اور وزیر اعلٰی پنجاب کے ویژن کے مطابق تمام وسائل بروئے کار لائے رہی ہے۔