ایف بی آر نے آتھورایزڈ اکنامک آپریٹر پروگرام کی طرف اہم قدم اٹھاتے ہوئے آتھو رایزڈ اکنامک آپریٹر پروگرام اپروول کمیٹی کی تشکیل دے دی۔

ایف بی آرکی جانب سے جاری کردہ اعلامیہ میں کہا گیا ہے کہ حکومت نے ملک بھر میں تجارت اور کاروبار کے فروغ کے لئے اقدامات اٹھائے ہیں اور آتھورایزڈ اکنامک آپریٹر (اے ای او) پروگرام اس مقصد کے حصول کے لئے ایک اہم قدم ہے۔

اعلامیہ کے مطابق کسٹمز ایکٹ 1969 میں فنانس ایکٹ 2018 کے ذریعے شق 212 اے کا اضافہ کیا گیا جبکہ آتھو رایزڈ اکنامک آپریٹر پروگرام اپروول کمیٹی بھی تشکیل دے دی گئی ہے۔

 اعلامیہ میں کہا گیا ہے کہ کمیٹی درخواست گزاروں کی درخواستوں کو حتمی شکل دے رہی ہے جبکہ اے ای او پروگرام کے لئے وی بوک اور بزنس پراسیس کے لئے سافٹ وئیر کو تیار کر لیا گیا ہے۔

اعلامیہ میں یہ بھی کہا گیا ہے کہ ماڈل کسٹمز کولیکٹوریٹ پورٹ قاسم کراچی میں برآمدات کے لئے یہ پروگرام اکتوبرمیں شروع کرنے کا فیصلہ کیا ہے، درآمدات کے لئے بھی یہی پروگرام شروع ہو جائے گا۔

مزید پڑھیں

ایف بی آر نے آڈٹ پالیسی 2019 کی منظوری دے دی

فیڈرل بورڈ آف ریونیو (ایف بی آر) کی جانب سے آڈٹ پالیسی...

 اعلامیہ کے مطابق آتھو رایزڈ اکنامک آپریٹرز کئی تجارتی سہولتی فوائد حاصل کر سکتے ہیں جبکہ یہ پروگرام تجارتی شراکت داری ، شفاف اور معاشی ترقی کا ضامن تصور کیا جاتا ہے۔

ایف بی آرکی جانب سے جاری کردہ اعلامیہ میں مزید کہا گیا ہے کہ تیز تر شپمنٹ پراسیسنگ ، کسٹمز اداروں کے درمیان باہمی ہم آہنگی، مالی گارنٹی کی چھوٹ جبکہ آتھو رایزڈ اکنامک آپریٹر ز میں مینو فیکچررز، درآمدکنندگان، برآمدکنندگان، پورٹس، ائیر پورٹس ، ٹرمینل آپریٹرز، ڈسٹری بیوٹرز وغیرہ بھی شامل ہیں۔