وفاقی وزیر برائے مصوبہ بندی اسد عمر نے کہا ہے کہ حکومت ملک کی ترقی کے لئے اصلاحاتی ایجنڈے پر عمل درآمد کر رہی ہے۔

تفصیلات کے مطابق وفاقی وزیر برائے منصوبہ بندی ترقی اور خصوصی اقدامات اسد عمر کی پاکستان میں ورلڈ بینک کے نئے مقرر کنٹری ڈائریکٹر مسٹر نجی بنحسین سے تعارفی ملاقات ہوئی ہے۔

ملاقات کے دوران کنٹری ڈائریکٹر نجی بنحسین نے کہا ہے کہ حکومت پاکستان نے  کورونا جیسے وبائی مرض کو بڑی حد تک قابو کرنے کے لئے منظم ظریقہ اختیار کیا جو قابل ستائش ہے۔

اسد عمر نے کنٹری ڈائریکٹر نجی بنحسین کا خیرمقدم کیا اور حکومت پاکستان اور ورلڈ بینک کے مابین مضبوط تعلقات کو سراہا بھی ہے۔

اس ضمن میں کنٹری ڈائریکٹر ورلڈ بینک نے کہا ہے کہ عالمی بینک کوویڈ 19 کے ایمرجنسی رسپانس منصوبوں کے ذریعے حکومت پاکستان کی مدد کر رہا ہے تاکہ ملک میں کوویڈ  جیسے وبائی مرض کی تشخیص، روک تھام اور صحت عامہ کو مستحکم کرنے میں مدد مل سکے۔

اسد عمر کی جانب سے وبائی امراض کے دوران ورلڈ بینک کی جانب سے فراہم کردہ امداد کو سراہا گیا اور کہا گیا ہے کہ موجودہ حکومت ورلڈ بینک کے تعاون سے زیر تکمیل منصوبوں پر تیز رفتاری سے مکمل کرنے کے لیے پرعزم ہے۔

ملاقات میں دونوں فریقین  نے پاکستان اور ورلڈ بینک کے درمیان تعلقات کو مزید مستحکم کرنے کا اعادہ بھی کیا گیا ہے۔