وزیراعلیٰ پنجاب عثمان بزدار نے کہا ہے کہ شہریوں کو تحفظ اور انصاف کی فراہمی ریاست کی ذمہ داری ہے۔

تفصیلات کے مطابق وزیراعلیٰ پنجاب عثمان بزدار نے سماجی رابطے کی ویب سائٹ ٹویٹر پر اپنے ایک پیغام میں کہا کہ ہمارا منشور ایک ایسے معاشرے کی تشکیل ہے جہاں دن ہو یا رات، خواتین/بچے اکیلے ہوں یا اپنےخاندان کے ساتھ، وہ خود کو محفوظ سمجھیں۔

شہریوں کو تحفظ اور انصاف کی فراہمی ریاست کی ذمہ داری ہے. ہمارا منشور ایک ایسے معاشرے کی تشکیل ہے جہاں دن ہو یا رات، خواتین/بچے اکیلے ہوں یا اپنےخاندان کے ساتھ، وہ خود کو محفوظ سمجھیں

موٹروےکیس میں ہر صورت انصاف ہو گا اور متاثرہ خاتون کےساتھ ظلم کرنےوالوں کو سخت سزا بھگتنا ہو گی!

Advertisement

— Usman Buzdar (@UsmanAKBuzdar) September 10, 2020

اپنے پیغام میں وزیراعلیٰ پنجاب عثمان بزدار نے مزید کہا کہ موٹروے کیس میں ہر صورت انصاف ہو گا اور متاثرہ خاتون کےساتھ ظلم کرنےوالوں کو سخت سزا بھگتنا ہوگی۔

یاد رہے اس سے قبل وزیراعلیٰ پنجاب نے لاہور میں دن دیہاڑے سڑک کے کنارے پر ایک عورت سے زیادتی کے واقعے کا نوٹس لیتے ہوئے ئی جی پنجاب سے رپورٹ بھی طلب کرلی۔

واضح رہےکہ لاہور کے علاقے گجر پورہ میں یہ اندوہناک واقعہ پیش آیا ، جس میں ایک عورت اپنے بچوں کے ہمراہ  گجرانوالہ سے لاہور جارہی تھی، راستے میں گاڑی کا پیٹرول ختم ہونے کی وجہ سے انہیں سڑک کنارے رکنا پڑا۔

مزید پڑھیں

موٹر وے پر خاتون سے زیادتی ، وزیراعلی پنجاب نے نوٹس لے لیا

وزیر اعلیٰ پنجاب نے لاہور میں دن دیہاڑے سڑک کے کنارے پر...

اتنے میں ہی دو نامعلوم افراد آئےانہوں نے گاڑی کا شیشہ توڑ کر عورت اور ان کے بچوں کو باہر نکالا اور سڑک کے اطراف میں بنے کھیتوں میں گھسیٹ کر لے گئے ۔

نامعلوم افراد نے پہلے عورت سے نقدی،زیور ، موبائل فون اور اے ٹی ایم کارڈز چھینے اس کے بعد اس عورت کواجتماعی زیادتی کا نشانہ بنایا اور فرار ہوگئے۔

اجتماعی زیادتی اور ڈکیتی کی دفعات کے تحت متاثرہ خاتون کے رشتے دار کی مدعیت میں درج کیے گئے مقدمے کے بعد پولیس نے لاہور میں نصب سیف سٹی کیمروں کی مدد سے ملزمان کی تلاش شروع کردی ہے۔