عالمی وباء کے پھیلنے سے پاکستان سمیت دنیا بھر کی معیشت پر منفی اثرات مرتب ہوئے تھے لیکن وباء کے اثرات کم ہونے پر پاکستانی معیشت کے بہتر ہونے کی خبریں ہیں۔

تفصیلات کے مطابق عالمی ادارہ ’بلوم برگ‘ کی جانب سے ایک رپورٹ جاری کی گئی ہے جس میں بتایا گیا ہے کہ کورونا کی وباء چھٹتے ہی پاکستانی معیشت پھلنے پھولنے لگی ہے۔

بلوم برگ کی رپورٹ کے مطابق کورونا کی رخصتی کے بعد پاکستانی معیشت سمبھلنے لگی ہے جس میں ایندھن سے لیکر سیمنٹ تک کی فروخت ریکارڈ سطح کو چھو رہی ہے۔

مزید پڑھیں

عمران خان عالمی وبا سے نمٹنے والے کامیاب سیاستدانوں میں نمبر ون قرار

وزیراعظم عمران خان کو عالمی وبا سے نمٹنے والے کامیاب سیاستدانوں میں...

رپورٹ میں بتایا گیا ہے کہ پاکستان میں مینوفیکچرنگ شعبہ مسلسل دوسرے ماہ سے نمو کے راستے پر چل رہا ہے جبکہ لاک ڈاؤن کے خاتمے کے بعد گاڑیوں کی فروخت بھی معمول پر لوٹ رہی ہے۔

یاد رہے کہ اس سے قبل وزیراعظم عمران خان کو عالمی وبا سے نمٹنے والے کامیاب سیاستدانوں میں نمبر ون قرار دے دیا گیا تھا۔

برطانوی جریدے نے کورونا سے نمٹنے والے10کامیاب سیاستدانوں کی فہرست جاری کردی جس میں عمران خان کو کورونا سے نمٹنے والے کامیاب سیاستدانوں میں نمبر ون قرار دیا گیا ہے۔

برطانوی جریدہ میں کہا گیا ہے کہ وزیراعظم عمران خان نے کورونا کے دوران امدادی فنڈ شروع کیا اور بےروزگار افراد تک بروقت مدد پہنچائی۔

برطانوی جریدہ میں یہ بھی کہا گیا ہے کہ بھارت، چین، ایرن،عراق، افغانستان، بنگلہ دیش کا کوئی سیاستدان شامل نہیں جبکہ معاون خصوصی زلفی بخاری بھی ٹاپ ٹین لسٹ میں شامل ہے۔

برطانوی جریدہ میں مزید کہا گیا ہے کہ کانگریس وومین برائے نیویارک الیگزینڈریا کا دوسرا نمبر پر ہے جبکہ نیوزی لینڈ کی وزیراعظم جیسنڈا آرڈرن کا تیسرا نمبر پر ہے۔