وزیر خارجہ شاہ محمود قریشی نے پشاور دیر کالونی کے مدرسے میں دھماکے کی شدید مذمت کی ہے۔
تفصیلات کے مطابق وزیر خارجہ شاہ محمود قریشی نے پشاور دیر کالونی کے مدرسے میں دھماکے کی شدید مذمت کرتے ہوئے کہا ہے کہ آج پشاور میں مدرسے کے معصوم بچوں کو نشانہ بنایا گیا ۔
وزیر خارجہ نے غمزدہ خاندانوں کے ساتھ اظہار تعزیت کرتے ہوئے کہا کہ دھماکے کے نتیجے میں متعدد بچوں کی ہلاکت اور زخمی ہونے کی اطلاع پر دل گرفتہ ہوں ۔
شاہ محمود قریشی نے کہا ہےدہشتگردی کے خلاف اس جنگ میں پوری قوم اپنی مسلح افواج اور قانون نافذ کرنے والے اداروں کے ساتھ شانہ بشانہ کھڑی ہے ،انشاء اللہ دہشتگردی کے اس عفریت کو جڑ سے اکھاڑ کر دم لیں گے ۔
وزیر خارجہ نے اس دھماکے میں جاں بحق ہونے والوں کے لیے مغفرت، بلندی درجات اور زخمیوں کے لیے جلد صحت یابی کی دعا کی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
