پاک بحریہ کے نئے تعینات ہونے والے  سربراہ ایڈمرل محمد امجد خان نیازی کی آج پاک فضائیہ کے سربراہ ائیرچیف مارشل مجاہد انور خان سے ائیر ہیڈکوارٹرز اسلام آبادمیں ملاقات ہوئی ہے۔

ائیر چیف نے ایڈمرل محمد امجد خان نیازی کو پاک بحریہ کی کمان سنبھالنے پر مبارکباد پیش کی اور اس امید کا اظہار کیا کہ ایڈمرل امجد کی زیر قیادت پاک بحریہ مزید ترقی کرے گی۔

CNS Adm Muhammad Amjad Khan Niazi called on ACM Mujahid Anwar Khan at AHQ. ACM congratulated CNS on assuming command of PN. Matters of mutual interest were discussed. Upon arrival at AHQ, CNS was presented with GoH. Adm also laid floral wreath at Martyrs Monument & offered Fateha pic.twitter.com/7sgHcSKlB9

— DGPR (Navy) (@dgprPaknavy) October 15, 2020

دونوں  سربراہان نے فضائی اور بحری افواج کے مابین موجود ہم آہنگی کو مزید بڑھانے اور اسے نئی بلندیوں تک لے جانے کے عزم کا اظہار کیا جبکہ ملاقات کے دوران باہمی دلچسپی اور پیشہ ورانہ امور پر تبادلہ خیال کیا گیا۔

قبل ازیں، ایڈمرل محمد امجد خان نیازی کی ائیر ہیڈ کوارٹرز  آمد پر پاک فضائیہ کے ایک چاق و چوبند دستے نے انہیں گارڈ آف آنر پیش کیا۔

انہوں نے پاک فضائیہ کے شہداء کو خراج عقیدت پیش کرنے کے لئے یادگار شہداء پر پھولوں کی چادر چڑھائی۔