وفاقی وزیر برائے منصوبہ بندی نے کہا ہے کہ پاکستان ایک جمہوری ملک ہے اپوزیشن قانون کے دائرے میں رہ کر جو مرضی کرنا چاہتی ہے کرے۔
اسد عمر نے کہا ہے کہ حکومت کی پالیسی قانون کی پاسداری کی پالیسی ہے اس لئے یہ نہیں ہونا چائیے جمہوریت کے نام پر قانون توڑیں جائیں۔
وفاقی وزیر کا کہنا تھا کہ ہم سمیت تمام سیاسی جماعتوں کو چاہیے کے جلسے نہ کیئے جائیں کیونکہ اس سے کورونا کے کیسز میں اضافہ ہونے کا خدشہ ہے۔
انہوں نے بتایا ہے کہ کورونا کے معاملے پر صوبوں کے تعاون سے کام کر رہے ہیں، این سی او سی میں کورونا کے معاملے پر این سی سی کی میٹنگ بلا کر ضابطہ اخلاق طے کرنے کا فیصلہ ہوا ہے۔
ان کا کہنا تھا کہ کورونا میں ہر چیز کیلئے ضابطہ اخلاق پہلے بنایا گیا ہے لیکن بڑے اجتماعات کے حوالے سے ایس او پیز بھی طے ہونے چاہیے اور اس ضمن میں قومی رابطہ کمیٹی میں معاملہ زیر غور آئے گا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
