وفاقی وزیر داخلہ اعجاز احمد شاہ کی جانب سے بول نیٹ ورک کے صدر نبیل جکھورا اور معاون نائب صدر شبیہ الحسن کے اغواء کی سخت الفاظ میں مذمت کی گئی ہے۔

تفصیلات کے مطابق بول نیوز کے پروگرام ’اب پتا چلا‘ میں بات کرتے ہوئے وفاقی وزیرداخلہ اعجاز شاہ نے بول نیٹ ورک کے صدر نبیل جکھورا اور معاون نائب صدر شبیہ الحسن کے اغواء پر اظہار افسوس کیا ہے اور اس کے ساتھ  ہی ساتھ کہا ہے کہ کراچی میں ایک بار پھر امن و امان کی صورتحال کو خراب کیا جارہا ہے۔

وفاقی وزیر داخلہ کا کہنا تھا کہ بول نیٹ ورک کے اس حالیہ اغواء کے حادثے کے حوالے سے کیس بھی درج کیا جاچکا ہے تاہم قبل از وقت کچھ بھی کہنا مناسب نہیں ہوگا۔

وفاقی وزیر داخلہ اعجاز احمد شاہ نے کہا ہے کہ کراچی سمیت سندھ بھر میں ایک بار پھر امن کی صورتحال خراب ہورہی ہے۔

ایک سوال کے جواب میں وفاقی وزیر داخلہ کا کہنا تھا کہ ملک کی خراب امن و امان کی صورتحال اور دیگر بگڑتے ہوئے حالات کا زیادہ سے زیادہ فائدہ دشمن ملک اٹھاتے ہیں اور یہ تمام عناصر معیشت پر بھی اثر انداز ہوتے ہیں۔

مزید پڑھیں

بول نیٹ ورک کے صدر نبیل جکھورا اورمعاون نائب صدر شبیہ الحسن اغوا

کراچی میں  بول نیٹ ورک کے صدر نبیل جکھورا اورمعاون نائب صدر...

میزبان اسامہ غازی کے ایک سوال کے جواب میں اعجاز احمد شاہ کا کہنا تھا کہ وفاق، صوبائی حکومت کے ساتھ مل کر کام کرنے کے لئے ہمیشہ سے تیار ہے لیکن یہ سب کے سامنے واضح ہے کہ کون کام نہیں کرنا چاہتا ہے اور اپنے مفادات کو سامنے لے آتا ہے۔